尖沙咀人氣居酒屋丼飯抵食又高質

尖沙咀棉登徑呢頭一向係日本菜集中地，而且鄰近K11，非常方便。呢間日本菜仲做緊星期日至四訂座優惠，二人食夠$500就有八折，非常抵食。 火炙吞拿魚沙律 $118 先叫咗個沙律開吓胃，沙律菜新鮮，面頭有火炙過半生熟嘅嘅吞拿魚。 黑松露三文魚子帆立貝卷 $158 另外叫咗呢款卷物，面頭有鮮嫩帆立貝刺身、黑松露醬同三文魚子，入面就卷住牛油果同青瓜，食落口感豐富，仲好香黑松露味。 天婦羅盛盒 $128 盛盒除咗有蝦，仲有魚柳、秋葵、茄子、南瓜、番薯呢d蔬菜。天婦羅衣唔會話太厚身，食落香脆得黎又唔會好油膩。 厚牛舌串燒 $58 厚切嘅牛舌口感爽彈，牛味好香濃，調味岩岩好。 田樂燒豆腐 $32 推薦呢款田樂豆腐串燒，豆腐熱辣辣好香好軟熟，面頭嘅田樂醬亦都樂有特色，風味十足。 極上海之幸丼 $308 最後當然唔少得食個丼飯，揀咗呢款極上海之幸丼，有大拖羅、牡丹蝦、大蟹鉗、磯燒鮑魚、海膽、真鯛、深海池魚、油甘魚、三文魚子、蔥吞拿魚蓉，超級豐富滿足。拖羅油花好均勻入口即融，海膽幼滑鮮味，磯燒鮑魚夠入味，其他魚生都好新鮮。 。 。 嵐橋丼飯專門店 (尖沙咀) 尖沙咀白蘭軒道2號富峰行地下BCD號舖 。 。#日本菜 #壽司 #刺身 #日本 #食勻全世界 #社群歎世界 #香港美食 #生活足跡 #打卡美食