京都一轉｜日本關西第一炸牛排專門店 京都勝牛相信大家都知佢係主打係吉列牛😋 ，仲係日本關西第一炸牛排專門店呢👍🏻！我分別係京都同香港都食過，今次決定去explore吓佢哋menu嘅其他嘢，而且餐廳佈置都充滿日式味道，仲未返得鄉下就去過吓癮當去咗京都一轉啦✈️😂！⁣ ⁣ 𝐈𝐧 𝐦𝐲 𝐭𝐮𝐦𝐦𝐲😋⠀⁣⁣ 1.元祖牛排炸串 ($52) 外層炸得幾香脆，味道不過不失，不過我就鍾意食吉列牛多啲🤣 ⁣⁣ 2. 自家製豚肉餃子 ($52) ❤️⁣ 餃子唔止煎得好金黃，食落都真係好脆口，而入面依家保留到肉汁，推介😝！ ⁣ 3. 元組炸牛扒套餐 ($198)⁣ ❤️ ⁣招牌吉列牛選用來自美國、澳洲及日本牛肉，外層金黃鬆脆，仲有9 種醬料可以調出自己鐘意嘅口味！我就比較鍾意點wasabi或者咖喱醬喇😋！如果怕牛肉太生亦可以叫店員俾埋鐵板你燒呢～ 每個套餐仲附送飯、椰菜沙律及味噌湯，都係無限添加，一定夠飽呀😂！ ⁣ 4. 和牛壽喜燒套餐 ($178) ⁣❤️ 同我一樣鍾意食壽喜燒的話就必點！和牛好有牛味，再點埋蛋汁就令肉質更滑！仲有豆腐、冬菇、娃娃菜、蒟蒻麵等壽喜燒必備材料，送飯一流呀🤤！ 5.芒果奇異果味有汽特飲 ($36) 味道唔會太甜，好fresh好啱夏天飲😎！ 6.紅豆宇治冰抹茶 ($32) 🍵抹茶味如果可以再濃啲，同甜度如果可以略減就更加好了～ 7.棉花糖雪糕 ($58) 唔講唔知佢哋有甜品！係menu見到依款太適合打卡了就點了😛，外層係微微燒過嘅棉花糖包住雲呢拿雪糕，放落口慢慢溶化，配上黃豆粉及乾果碎，更有多重口感😗！ 8. 抹茶紅豆流心蛋糕 ($58) ❤️ ⁣蛋糕好鬆軟，輕輕切開裏面仲有流心嘅抹茶醬同紅豆蓉，再配埋雲呢拿雪糕，表示好正，下次要再食😍😍！ .⠀⁣⁣ 📍 京都勝牛 銅鑼灣謝斐道535號Tower 535地庫B01號舖 #whereiseathk #whereiseat