一嘗另類特色既韓國釜山粥

🌟餐廳：HANA Korean Restaurant 📍地址：尖沙咀金巴利街1E號地舖 💰價位：～$50 - $100 ⏰營業時間：星期一至日 12:00 - 22:00 📱電話：34823828 難得今日放假就約左朋友仔出尖沙咀行街街先，血拼前就梗係要醫下肚先~ 朋友仔最鍾意食韓國菜，一於去有「韓國街」之稱既金巴利街呢間「HANA Korean Restaurant」，一嘗另類特色既韓國釜山粥，將地道釜山米熬成粥底，再用麻油取代一般食用油，滿滿麻香得黎又健康~ ——————————————————— 🔹HANA 粥 - 首先試左以蔬菜為主既HANA粥先~有齊紅蘿蔔粒、薯仔粒、瓜粒及洋蔥粒，食落夠哂健康~粥底熬至軟綿綿，食落充滿蔬菜既清甜~配菜仲提供自家醃制既韓式蘿蔔乾及辣醬生墨魚粒，配埋粥一齊食更滋味~ ——————————————————— 🔹人蔘雞粥 - 餐廳主打菜式~除左以蔬菜為主要粥底材料之外，仲加入人蔘雞湯熬煮，食落啖啖人蔘既甘香味~配料當然唔少得雞肉絲及人蔘，味道超濃郁，大推~ ——————————————————— 🔹釜山魚糕鳥冬 賣相好靚既烏冬~韓式釜山魚糕份量十足，一大串有齊各款口味~烏冬入口彈牙，搭配韓式牛骨清湯，超夾~ ——————————————————— 🔹(蒸)濟洲黑豚肉餃子 為食既我地意猶未盡，點埋呢一款濟洲黑豚肉餃子~餃子外皮夠薄，包住豐富既黑豚肉，記得要點埋韓式辣醬油，食起黎更惹味~ ——————————————————— 😋味道：4/5 🏢環境：4/5 💁🏻‍♀️服務：4/5 💵價錢：4/5 🤟🏻性價比：4/5 ——————————————————— 👅整體小總結 韓國菜就經常食，今次第一次品嚐韓國既家鄉粥，真係好有特色~材料豐富之餘，最重要係零味精，粥底充滿蔬菜既鮮甜味，食得健康~餐廳仲提供各款韓國特色食物，應有盡有，性價比十足，值得一試~