九龍酒店龍逸軒推出左全新中式商務午市套餐😻😻

🌟餐廳：龍逸軒(九龍酒店) 📍地址：尖沙咀彌敦道19-21號九龍酒店2樓 ⏰營業時間：星期一至日 07:00 - 23:00 💰價位：～$200 - $400 📱電話：27343722 最近九龍酒店龍逸軒推出左全新中式商務午市套餐，啱晒HAPPY FRIDAY同同事出去慢慢嘆番個精緻lunch，套餐包括一系列前菜、點心、湯品、主食及甜品，包羅萬有，事不宜遲即刻去chill 下先！ ——————————————————— 🌟商務午市套餐🌟 🔹前菜 - 蜜汁叉燒 / 尖椒皮蛋 / 香辣脆金磚 🍴蜜汁叉燒夠厚身大大件，外層燒至香脆，蜜汁味香濃，肉質夠軟腍帶點酒香！ 🍴尖椒皮蛋食落微微辣，係一款好開胃嘅前菜～ 🍴香辣脆金磚卜卜脆，豆腐炸至外脆內軟，食落香脆惹味～ 🔹點心 - 晶瑩鮮蝦餃 / 蟹籽蒸燒賣 / 雪梨鹹水角 🍴龍逸軒嘅點心一向有水準，餐廳亦好貼心咁將佢哋嘅皇牌點心加入呢一個午市商務套餐！晶瑩鮮蝦餃超大件，名副其實皮薄餡靚，蝦肉爽彈得黎鮮味十足～ 🍴蟹籽蒸燒賣熱辣辣香噴噴，咬落充滿肉汁，加入蟹籽，口感層次感十足～ 🍴雪梨鹹水角造型可愛，點心師傅將鹹水角製作成雪梨形狀，好味得嚟打卡一流，鹹水角餡料豐富，外層咬落咬夠晒煙韌～ 🔹是日廚師湯品 - 冬瓜清補涼燉湯 喺咁乾燥嘅天氣，嘆番碗冬瓜清補涼湯，既滋潤又養生～燉湯用料十足，特別加入薏米、冬瓜、豬肉及清補涼料熬製，鮮甜味濃，飲落暖胃又滋補！ 🔹蟲草花蒸斑球 熱辣辣香噴噴，用上籠仔蒸制，賣相精緻！斑球大大件，夠哂嫩滑，上層仲加入大量蟲草花，配搭特調蒸魚醬油、冬菇絲及香蔥，啖啖滋味！ 🔹櫻花蝦炒玉蘭 芥蘭以XO醬炒製，惹味得來又健康，芥蘭爽脆新鮮，加入櫻花蝦更能提鮮！ 🔹金菇銀芽原隻鮑魚炆麵 重點推介呢一款金菇銀芽原隻鮑魚炆麵！份量十足，粗麵以鮑魚汁撈製，醬汁掛滿麵條，麵質彈牙爽口，夠晒高質！上層加入大大件炆至軟腍既鮑魚，食材夠晒矜貴，配料仲加入金菇及銀芽，成個組合好出色！ 🔹生磨黑芝麻糊 及 芒果拿破崙 套餐仲包括兩款甜品，中西合璧，性價比十足！ 🍴生磨黑芝麻糊係龍逸軒既得意之作，芝麻糊夠濃稠，味道香濃，入口細滑，食得好滿足！ 🍴芒果拿破崙亦都係酒店嘅招牌之一，上層選用嘅芒果香甜多汁，餅房自家製作嘅拿破崙餅底夠晒香脆，賣相又優美，為咁豐富嘅套餐畫上完美句號～ ——————————————————— 😋味道：4/5 🏢環境：4/5 💁🏻‍♀️服務：4/5 💵價錢：4/5 🤟🏻性價比：4/5 ——————————————————— 👅整體小總結 龍逸軒位於尖沙咀九龍酒店，喺正尖沙咀商業及購物黃金地段，地點夠哂方便！ 餐廳嘅中菜一向口碑好，質素有保證，今次推出嘅商務午市套餐，菜式豐富，全新菜單加入龍逸軒招牌點心及一系列巧手小菜，性價比十足，啱晒附近上班一族或者帶埋屋企人嚟慢慢嘆！   #祝大家生日快樂 #UCreator #中菜餐廳#美食推介#打卡美食#九龍美食#香港美食