🎉身兼大廚+侍應的親切老闆🎉

⚡️✨一入到舖頭，我以為員工咁岩行開左，原來唔係，係一人打理哂成間cafe，真係好佩服老闆，佢真係好勁…👍🏻 由帶位、落單、煮野、上菜、執枱、埋單，真係冇停過⚡️✨ 🔥地中海香蒜雞柳意粉 意粉味十足，雞柳配上香蒜味，肉質嫩口，而且雞柳份量十足，絕對冇偷工減料架，食落仲有種甜味，口感好特別。 🔥三文魚卡邦尼意粉 第一時間試左三文魚先，一上枱三文魚顏色就好新鮮，口感鮮嫩，而且塊塊都大大塊😋 意粉收汁拿捏好好，好creamy😚 🔥瑞士雞翼 每隻雞翼都好入味，而且大大隻，骨肉分離，係雞翼嘅精髓。 🟰🟰🟰🟰🟰🟰🟰🟰🟰🟰🟰🟰🟰🟰 👉🏻呢度有包場服務，而且價錢合理，老闆話有24小時訂枱服務😂快啲去啦 👉🏻而且有好多唔同board game玩，仲無限時坐，放心同朋友聚舊 撐枱腳啦😎 👉🏻老闆真係超級無敵好人，雖然佢忙到頭頂出煙，但都會同客人吹下水，搞笑下 👉🏻cafe入口係難搵左少少，入口係地舖旁邊嘅行仔入面，不過商廈有保安，絕對安全架，而且都多野食 🟰🟰🟰🟰🟰🟰🟰🟰🟰🟰🟰🟰🟰🟰 🔹🔹🔹🔹🔹🔹🔹🔹🔹🔹 #AnyMomentCafe (旺角) 旺角登打士街36號恆威商業中心9樓 🔸🔸🔸🔸🔸🔸🔸🔸🔸🔸 #旺角好食 #旺角食好西 #cafe #一人打理