《3個半鐘任食龍蝦🦞榴槤甜品💛Godiva雪糕》

**‼️琴日出咗片，未睇嘅快啲睇番‼️** Hotel Icon The Market自助餐嘅榴槤甜品一向廣受歡迎👏🏻，嚟緊15/3/2023更會推出全新buffet，增添3款榴槤甜品，包括榴槤糯米飯配貓山王果肉、榴槤咖央菠蘿包同榴槤杏仁酥。晚市仲有意式蕃茄香草煎龍蝦尾同魚子醬蟹肉沙律多士😍！ . 🔻海鮮區 6款海鮮包括：龍蝦🦞、龍蝦鉗、長腳蟹🦀、鮮蝦🦐、青口同小龍蝦。龍蝦鉗同長腳蟹最值得食🧡，肉質鮮甜又有海水鹹香👍🏻！龍蝦雖然望落去爆膏但肉質乾👉🏻👈🏻失望😩 . 🔻刺身區 6款刺身包括：三文魚、八爪魚、吞拿魚、牡丹蝦、帶子同北寄貝。帶子厚身又鮮甜🥰，三文魚肥美，牡丹蝦新鮮，但吞拿魚太瘦麻麻哋🤏🏻。 . 🔻壽司區 款式唔少，除咗有一般手握壽司🍣仲有火炙壽司、卷物同角切壽司飯。 . 🔻前菜/沙律區 4款芝士全部都係軟芝士，goat cheese同blue cheese特別好食🧀 。4款火腿鹹香油潤🐖，旁邊仲有沙律吧🥗同水果🍍。 . 🔻熱葷區 有齊中菜、西式、泰菜同印度菜。 慢煮牛扒同羊扒必食👍🏻！顏色粉嫩，肉質細嫩又入味🤤！即煎鵝肝油脂甘香，入口即溶🦆。摩洛哥羊腿肉嫩滑，配上多士、牛油果醬、洋蔥同蕃茄莎莎幾有特色。巴東牛肉軟腍入味🐂、泰式豬頸肉炸到金黃香口🐖、魚子醬帶子都唔錯。印度菜式發揮正常，有烤雞、咖喱角、烤餅、羊肉咖喱同胡椒餅。冬陰功同海鮮湯2款都好正❤️‍🔥，推介大家一試。另外仲有麵食、粥等等。 . 🔻甜品區 榴槤甜品係The Market嘅特色之一💚，新出嘅即焗榴槤咖央菠蘿包同榴槤杏仁酥外皮酥脆，中間有香滑榴槤餡，唔錯✨！榴槤布甸同榴槤班蘭卷都好好食，不過炸榴槤就較油膩，榴槤糯米飯過於乾身需要改善🥺。另外仲有啲小蛋糕🧁同奶凍味道都唔錯。 . 🔻雪糕 任唧軟滑香濃嘅GODIVA雪糕🍫🍦一定係一大selling point🤩。另外仲有2款haagen-dazs同自家製榴槤雪糕，雪糕控一定會滿意😍！ . The Market自助晚餐 💰星期一至四($858/成人;$578/小童) 💰星期五、六、日及公眾假期($908 /成人;$628 /小童) ⏰時間：6:30p.m.-10:00p.m. . The Market (尖沙咀) 尖沙咀科學館道17號唯港薈2樓 . #自助餐#Buffet#草根食buffet#草根食在尖沙咀#香港自助餐#酒店美食#唯港薈#HKbuffet