蒸飯+點心+精選茗茶套餐都係$68😱

觀塘行完街街又肚餓 好彩周圍都有野食 行緊APM就更加唔洗周圍行😂😂 2/F已經有美食廣場 想食返籠點心都幾正💕 呢間點心茶館就滿足到年輕人想食點心 但又未必想去茶樓嘅諗法😏 而家蒸飯+點心+精選茗茶套餐都係$68😱 ⁡ 🔥所有點心/蒸飯都係即叫即蒸新鮮熱辣 蒸飯以為會係細細籠 點知夠曬2個人食👌🏻 ⁡ 鳳爪排骨飯+北海道溫泉蛋馬蹄牛肉飯🍚 真係俾足料 2隻大大鳳爪 夠入味 排骨嘅肉剛好離骨 經過蒸煮 肉質鮮嫩多汁 馬蹄牛肉飯味道係山竹牛肉+馬蹄嘅感覺 溫泉蛋自己打落飯 好似港日味道融合咗咁 仲加埋荷葉來蒸 散發出荷葉清香 ⁡ 點心拼盤 一籠有齊叉燒包+蝦餃皇🍤+飛碟雲吞+香菇燒賣+棗皇糕 滿足一次想食多款點心嘅人👍🏻 蝦餃皮薄餡嫩 滿口鮮美 飛碟雲吞帶有海鮮香氣+香菇香味 仲有個醬俾你點😏 棗皇糕呈現出濕潤而有彈性質地 糕身軟糯香甜 既柔軟又富有彈性+黏性👌🏻 ⁡ 鮮蝦腐皮巻🍤 腐皮卷成圓筒狀 外皮酥脆但略為太油 內餡鮮蝦質感鮮嫩多汁 夾帶多多蔬菜同埋配料 咬落好有層次感😋 ⁡ 流心煎堆 估唔到都有得食煎堆 有奶皇/芝麻2款口味 外皮酥脆 咬落去會發出脆脆聲音😎 內部奶黃餡料柔軟滑順 唔會死甜👌🏻 ⁡ ☆~*~★~*~☆~*~★~*~ ☆~*~★~*~☆ #香港美食#東九龍美食#觀塘 搵食地點🥢: @palatebistrohkg 📍 點茶館 (觀塘) 觀塘觀塘道418號創紀之城五期(apm)2樓Food Fiesta內 ⁡ #美食推介#香港餐廳#香港好去處#hkfoodie#foodies#foodlife#點心#港式點心#點心時間#中式點心#飲茶#港式飲茶#香港飲茶#觀塘#觀塘小店 #UCreator#求好旅友#以油養膚#時尚美妝企劃 #langhambeautyfest