優質嘅石燒牛店🐮

優質嘅石燒牛店🐮 同屋企人去咗荃灣食飯☺️ 去咗牛県食石燒牛🔥 餐廳用木系風格為主題🪵 有幅巨型嘅牛牛壁畫🐂 主打食有提供六款牛石燒🥰 美國和牛封門柳，228蚊200g💰 和牛封門柳勁大嚿牛肉，牛肉肉質細嫩，牛肉味亦好濃郁，油脂味都好足夠，軟嫩無筋同時保留應有嚼勁質感，加上石燒板夠熱，可以自選生熟度，兩款醬汁都幾好食，另加套餐有薯條，湯及汽水😋 牛縣燒肉膽丼，168蚊碗💰 和牛雪花紋好靚，和牛好腍同重牛肉味，有少少入口融化既感覺，和牛油脂感好重，海膽色澤均勻金黃，味道好鮮甜，兩種食材配搭埋飯，真係好滋味🥰😋 鵝肝多士，優惠+1蚊兩件💰 店舖有優惠叫兩款牛石燒套餐， 再加一蚊就可以享用兩件嘅鵝肝多士， 鵝肝入口即溶，新鮮嘅油香味，煎得啱啱好唔會過濃，配埋香脆嘅多士十分滋味🥰 整體餐廳冷氣好猛唔會食到成身汗🥰 服務都好主動收餐具同打掃🧹 食物份量都幾多，價錢都合理，食材新鮮，仲有優惠好抵食🤗🤗