🧡🤍❤️ 甲羅燒配熱辣辣海膽撈飯🥢 好掛住喺日本食甲羅燒嘅日子🥺無意中搵到原來尖沙咀依度都有🤤價錢唔貴,仲唔使自己燒😛餐牌選擇極多,揀到停唔到🤪 🧡雲丹刺身🧡 $288 籐籃裝住滿滿海膽,見到都流晒口水🤤旁邊有紫菜,可以夾住海膽食😗海膽大大件,入口軟滑,味道濃厚✨加少少日式豉油更可以提鮮! ❤️南瀛卷❤️ $298 一碟卷物上有海膽、刺身蝦、吞拿魚、三文魚籽,全部都好新鮮!特別欣賞三文魚籽,粒粒通透飽滿😋為卷物增添口感! 🤎吉列炸蠔🤎 $98 即叫即炸,外層脆卜卜🦪炸完都保持到蠔嘅鮮味😌 💚燒明太子💚 $88 燒完嘅明太子好好味,鹹鹹香香😚配上清新嘅青瓜片🥒剛剛好!口感方面就偏厚實,唔會太鬆散,唔錯! ❤️鮭魚壽司❤️ $48 每次食日式料理都會食三文魚,今次都唔例外!呢度嘅三文魚都好新鮮,而且好香魚油味🍣 🤍松葉蟹海膽釜飯🤍 $208 食之前店員會為客人拌勻😆過程中真係香味四溢!飯上有松葉蟹肉🦀櫻花蝦🦐海膽,撈埋一齊食鮮味滿滿😛底部仲有飯焦🍚好好味! 💛蟹味噌甲羅燒💛 $78 嚟呢度就係為咗佢嘅甲羅燒(カニみそ甲羅焼き),又稱蟹味噌甲羅燒✨甲羅,即蟹蓋🦀蟹味噌,即麵豉調製過嘅蟹膏🤤同蔥花、蟹肉、蟹子、鵪鶉蛋撈埋一齊食,味道豐富😍呢個時候食多幾碗飯都得🍚 餐廳環境有日本feel,坐窗口位🪟仲可以影到靚相😚特別欣賞依度嘅服務態度,燒嘅時候有店員幫忙,唔使擔心會燒燶啦!😗 📍南瀛水產 📍尖沙咀金馬倫道5號太興廣場5樓 -

平均消費
HK$400
地址
尖沙咀
香港尖沙咀
評分
4/5
👍
下一篇載入中