人氣韓式刀削麵😚

今日去左朋友推薦嘅韓式刀削麵店!! 一去到門口就大排長龍 大概等左around一個鐘就可以入座 雙拼王餃子($58)⭐️⭐️⭐️ 但一開始太餓無影到😂豬肉餃子比泡菜餃子好食~因為泡菜餃有辣味但相對味道無咁豐富。好大隻!皮好彈牙,餡料飽滿,好食! 牛骨湯刀削麵($78)⭐️⭐️⭐️⭐️⭐️ 就咁睇好似好清,食落去好濃郁嘅牛骨湯味!但完全唔會話太鹹/味精重,飲落去好舒服。麵條彈牙又滑~忍唔住食多兩碗😍 花蛤刀削麵($78)⭐️⭐️⭐️⭐️ 食完牛骨湯刀削麵先上,本身好擔心會唔會比牛骨湯嘅濃郁蓋過本身嘅味道。因為花蛤湯睇起黎好清。但食落去湯好鮮甜!唯一美中不足係花蛤要lur沙🥲但排除呢樣的話其實真係好好食 辣拌刀削麵($78) ⭐️⭐️⭐️⭐️⭐️ 最後上嘅辣拌刀削麵!偏向甜辣,唔食到太辣嘅朋友應該都可以食到少少。(例如我)就算食左之前嘅湯麵都唔會覺得太膩嘅味道,口感非常清爽😋而且涼拌嘅優點係刀削麵嘅口感比湯麵彈牙! 三個人食都非常夠食,其實叫兩個湯麵加餃子已經勁飽🤣最後拌麵都要打包~除開都係$100左右,應該會再幫襯!

平均消費
HK$107
地址
自家製韓國刀削麵
香港尖沙咀山林道46-48號運通商業大廈
評分
4/5
正😍😍 可以互相關注一下嗎?💖🙌🏻
❤️
下一篇載入中