深圳超大型水族館，美人魚劇場

最近再次嚟到深圳觀瀾湖發掘周邊好玩嘅親子玩樂景點，今次來到《深圳觀瀾湖海洋世界》參觀。館內以海洋主題概念主題，入面集合海洋生物研究與展示、環境教育、海洋知識科普、海洋文化集娛樂嘅空間。 海洋世界差唔多1萬呎嘅大型水族館，館內有兩層分10個主題，設有60米海底隧道，可以360度盡情欣賞海洋生物。入面擁有超過1000種海洋生物，場內仲有關於海洋文化、海洋保護知識等。仲有水母迷宮，可以慢慢欣賞。 有海洋生物之外，熱帶雨林區有多種陸地熱帶動物，有梅花鹿、兔子、小馬及孔雀等。仲可以購買飼料餵小動物食嘢，每份RMB 20。 除咗以上陸地動物之外，仲有爬蟲類動物，包括龜、蛇、青蛙等。 仲設有表演時段，表演項目有美人角表演、海獅表演、歡樂舞台。 如果行到餓，場內仲有小食亭及餐廳。 最後臨離場前，還有精品區。 【深圳觀瀾湖海洋世界】 地址: 廣東省深圳市龍華區高爾夫大道13號 (深圳地鐵4號線觀瀾湖站A出口) 開放時間: 9:00-6:00開放（5:30 停止入園） 收費: 門票名稱 價格 常規日 特定日 成人票 138元/張 158元/張 小童票 100元/張 120元/張 學生票 118元/張 138元/張 長者票 100元/張 120元/張 優待票 100元/張 100元/張 #深圳好去處#深圳親子遊#深圳觀瀾湖#深圳親子好去處#深圳水族館#深圳攻略#觀瀾湖海洋世界