［東京旅遊🇯🇵] *唔知點解我發唔到影片。有興趣嘅話可以去我個IG度睇* 渋谷人氣景點 Shibuya Sky 係疫情期間開嘅景點。所以對我呢個幾年冇去過東京嘅人係一個新景點啦。最好預先上網買飛(大人每位票價JPY1,800)，到達嘅時候就可以直接入場 (到場買票嘅話就要預留啲時間排隊喇)。上網購票流程都算方便，揀定入場時間付錢後QR code 便會發送到指定電郵地址，憑QR code就可以直接入場喇。 我選擇入場嘅時間係10:00am (我想去嘅日落時段早已額滿🈵️)。當日天氣非常好，有陽光🌞但又未到好猛烈嗰種。除咗頂樓位置係必須打卡外，第46樓室內亦都有好多打卡位(相中銀色波波嘅地方)。 上頂樓係唔可以帶手袋、背囊、帽子、雨傘等會有機會被風吹動嘅物件(相機架都唔得呀)。呢啲物品就要放入場地設有嘅儲物櫃入面，費用就要自己俾(如果冇記錯好似係JPY100 per locker per use) 。