正宗潮州菜!新蒲崗 60 年老字號|必試潮式生醃海鮮

#MC帶你去新蒲崗 「陳儀興飯店」相信新蒲崗街坊無人不知,由1963年開業,喺旁邊更開咗兩間分店,但依然座無虛席,受歡迎程度可見一斑。 . 🦐 潮式醃瀨尿蝦 $338 食完真係返唔到轉頭,瀨尿蝦以大蒜、辣椒、香菜頭、白醋、蠔油、魚露等生醃腌製,上枱前已經斬件方便進食,啜一啜就已經食到👅蝦肉仲好彈牙唔霉,味道鹹鮮,吊出海鮮嘅鮮甜,再帶點微辣、蒜香,惹味過癮,最後小編忍唔住再嗌多一份🤤 . 🐟 潮州馬友魚飯(凍魚) $198 馬友白嫩多汁,魚肉鮮嫩厚實,唔會好易散,好易食到一層層嘅魚肉。入口味道鹹鮮味十足;或者可以蘸普寧豆醬一齊食,層次風味更加出眾😽 . 🦆 澄海滷水鵝件 提起打冷,點會無滷水鵝呢😜鵝件已經上曬色、入曬味,食落好香滷水味,入口唔咸,雖肉質偏瘦,差啲油香🫢 . 🦪 潮州蠔餅 $85 又係例牌必點嘅餸菜,蠔餅煎得十分乾身,蛋邊非常香脆㖭,蠔仔十分飽滿,蘸埋魚露,味道一流👍🏻 . 🍚 潮州蠔仔粥 $128 蠔仔十分足料又飽滿,無多餘調味,味道簡易直接,配以芹菜同薑片,蠔仔一啲都唔腥味、好鮮甜,可以落少少胡椒粉吊一吊味,味道更好☺️ . ✨ 椒鹽百花釀大腸 $105 除左潮州菜,依道啲小炒都十分唔錯,即叫即炸,熱辣辣咁上枱🔥仲有炸蒜粒灑喺上面。墨魚滑十分足料,咬落好彈牙😱大腸炸得十分脆而唔韌。 . ⭐整體︰8.0/10 ⭐食物︰9.0/10 ⭐環境︰7.0/10 ⭐價錢︰8.0/10 . ===================================== 📍 陳儀興飯店 (崇齡街) 地址:新蒲崗崇齡街40號地舖 交通︰鄰近港鐵啟德站B出口 ===================================== . #Ming_Course #hkfoodie #foodiehk #hkfood #hkfoodblogger #hongkongfoodies #hongkongfoodie #hkfoodlover #hongkongfood #週末好去處 #拍拖好去處 #情侶好去處 #香港小店 #黃大仙區美食 #新蒲崗美食 #新蒲崗一日遊 #新蒲崗好去處 #香港美食 #香港美食打卡 #香港美食攻略 #香港探店 #本地遊 #香港一日遊 #香港好去處 #新蒲崗 #陳儀興飯店 #潮州打冷 #打冷 #潮州菜 #蠔餅 #滷水鵝 #香港潮州打冷關注組

平均消費
HK$300
地址
陳儀興飯店
G/F, 40 Shung Ling St, San Po Kong, 香港
評分
4/5
下一篇載入中