一齊跟我去揼骨🤪

大家都知道我成日都去做gym又跳舞，但係又唔夠時間拉筋，搞到小腿同埋成身嘅肌肉真係超級緊🥹呢幾日隻腳啲肌肉真係緊到喊出嚟拉筋都冇用，所以我就自己一個人去咗灣仔足園嗰度揼骨按摩輕鬆吓💆🏻‍♀️ 嗰度係灣仔維景酒店地庫，接待人員好有禮貌，環境裝修好舒適💫因為我今次揀C餐足底反射按摩(25分鐘)+中式指壓按摩(50分鐘)，所以仲有獨立房添💕 女按摩師非常專業，知道我腳板底唔係好受得力都會特登細力少少，但係又有功效喎，我小腿水腫超級勁，按完之後真係冇咁緊同埋水腫都少咗🫣50分鐘中式指壓按摩係成身按，背脊、手、腳、肩頸同埋頭。一開始按背脊嘅時候因為我胸骨太緊真係聽到拍拍聲🙈之後我已經舒服到瞓着咗😴係去到最尾按頭部嘅時候我先起返身🤣按完嘅感覺係成身都覺得鬆咗好舒服，當晚可能按鬆咗啲肌肉瞓覺都覺得好咗🌙整體我覺得價錢唔貴，而且按摩師技術都好，女仔一個人過嚟按摩relax吓都唔怕👍🏻 📍足園 灣仔軒尼詩道41-49號睿景酒店地庫(入口設於分域街)