金黃蟹粉真係好誘人💗唔使拆蟹，就可以嘆到濃郁蟹香～喺尖沙咀K11 Musea 嘅「上三兩 Sexy Crab」，就專門供應以蟹粉入饌嘅菜式，每道菜式都精緻動人，啱晒想嘆蟹🦀嘆得優雅嘅朋友～ 蟹粉咁誘人～細看餐牌，每道菜式都特別改咗一啲好誘惑人心😝嘅英文名字～令人少少想入非非。呢度金色輕奢裝潢配以紫藍燈光，亦配合主題營造出高貴sexy 嘅氛圍。 🔶 三兩蟹粉薈+ 特上花雕宴 打卡好正嘅set! 喺金光閃閃嘅旋轉韆鞦入面有4款小點心，每款有2件。包括鮑魚蟹粉酥盒丶三文魚卷配魚子醬丶醉雞卷配醉蟹粉丶松菜蟹肉海膽蒸蛋。每件都好精緻～我就最like 松菜蟹肉海膽蒸蛋，嫩滑又夠鮮。 話梅花雕呢個賣相好正！喺酒瓶最上方倒入花雕，就可以慢慢注入下面8個小杯👍🏼而小杯入面預先放了話梅肉來配酒，花雕入口甘醇甜美，夾著話梅鹹香，十分醒胃，仲可以中和食蟹嘅寒氣。 🔶蟹粉醉三兩 以貝殼盛着，屬1人Size 的前菜份量，以金箔做點綴，小巧精緻～鮑魚海鮮小粒十分入味，夾著淡淡酒香。 🔶特濃蟹粉蟹肉拌拉麵 Sexy Crab 係店家嘅招牌菜式💗伴着拉麵有一碟碟嘅公蟹膏丶母蟹膏丶蟹肉丶蟹肉雞湯羹同埋極上蟹油～另外仲有秘製醬油。 只要將以上一碟碟逐一倒入拉麵，然後慢慢拌好，香噴噴嘅蟹粉蟹肉拉麵就ready了🤤最後可以再因應個人喜好加入蟹醋。每條麵條都沾滿蟹粉，入口十分甘香～充滿鮮味。 🔶特濃蟹粉石鍋拌飯 上桌時服務生把份量都幾多嘅蟹粉倒入石鍋，然後慢慢拌好，蟹粉香氣四溢～石鍋熱度十分高，熱氣令蟹粉滋味更昇華，食到底部米飯仲有少少微脆。 🔶蟹黃魚濃湯 細細碗一人份量恰恰好。充滿魚香鮮味，熱騰騰好暖胃！依家天氣凍凍地，飲返碗熱湯👍🏼啱晒。 🔶燕窩伴薑味意式雪糕配薑汁啫喱 雪糕入口軟滑，薑味出眾～配了薑汁啫喱增加口感💗 🔶四川花椒朱古力焦糖燉蛋 配搭好正！帶有花椒麻香嘅朱古力甜點，入口麻而不辣～令朱古力濃香更為突出，好有風味。 📍上三兩Sexy Crab 尖沙咀梳士巴利道18號 K11 Musea 4樓 401A號鋪 #社群時間囊