【🎐日式木系高質fusion🌿】

上次食飽飽先經過見到新開張，今次就再返嚟試吓新店。木系裝修風格清新，感覺舒適和諧，入到去心情都relax咗唔少😌 餐廳主打西日fusion菜，選擇都唔少，總有一款啱口味😄 咩都想試吓，所以就叫咗個晚市二人套餐✌🏻 晚市二人套餐 $588 二人套餐包括小食、意粉/烏冬、主食、沙律、甜品各一 +飲品兩杯。 👑黑松露野菌貓耳朵粉 配 木魚絲及帕爾瑪芝士 黑松露醬汁十分香濃，加埋野菌令菇菌味道更突出，貓耳朵粉有嚼勁，粒粒煙韌好咬，木魚絲同芝士配搭就更加錦上添花，令整體味道更豐富😋 ✨脆炸單骨雞翼 配 辛子明太子醬（8件） 雞翼外脆內軟，雞肉肉質嫩滑，單骨方便易咬，明太子醬帶少少辣味更香口👍🏻 ✨月見燒牛肉意大利飯丼 牛肉肉味濃郁，質感軟滑，意大利飯軟硬適中，配埋照燒醬汁+蛋黃就更香更滑😆 ✨黃金凱撒沙律 黃金炸蛋外皮脆脆地，內層蛋黃流心滑溜，蛋白亦好軟滑，一顆炸蛋為沙律加分不小👍🏻 ✨京都宇治抹茶甜筒 抹茶雪糕球+抹茶脆片+抹茶朱古力粉+抹茶醬，抹茶味道超級濃郁，簡直無懈可擊😆🍵 ✨軟殼蟹壽司塔可 +$48 外層包裹嘅係紫菜天婦羅，炸過嘅紫菜又香又脆口，軟殼蟹份量十足，面層亦有不少魚子，中間配蔬菜感覺清新啲，醬汁帶有微微辣度，食落更香🤤 ✨香桃富士梳打 +$38 桃味好清香，賣相冇得彈，打卡一定必備一杯🤣 ✨朱古力咖啡 +$38 咖啡比例剛剛好，飲落香濃幼滑，賣相都味道都very good👏🏻 🔍整體感覺：餐廳裝修滿滿休閒風，環境乾淨衛生，座位好舒適，職員服務態度友善，食物質素同味道都好出色，價錢都合理，真係可嚐亦可賞，無論係環境定係食物賣相，打卡都一流📸 ─ ─ ─ ─ ─ ─ ─ ─ ─ ─ ─ ─ 美味：👅👅👅👅👅 環境：🪑🪑🪑🪑🪑 服務：🤵🏻‍♀️🤵🏻‍♀️🤵🏻‍♀️🤵🏻‍♀️ 價錢：💰💰💰💰 推介：☀️☀️☀️☀️🌤