「極辣」口感得意😎 TOHATO桃哈多粒粒

經過759阿信屋入去行返轉見到佢有呢包望落包裝好似超辣咁嘅零食，而因為接近期限，所以佢做緊$2特價，所以就毫不猶豫買咗嚟試🤣 佢一包入邊有五粒，而且每一粒嘅 size都唔細，而且仲肥嘟嘟😽撳落去好似橡皮糖嘅質地咁😯感覺已經非常新奇😛 上網查一查先知原來佢用源自墨西哥嘅Habanero(哈瓦那辣椒)，又叫「白色子彈」，辣度（史高維爾指標-簡稱SHU辣度）可達到100,000–350,000。作為世界上最有名嘅極辣紅辣椒之一😯😯，佢特別在於唔只帶刺激辣味，仲帶有水果香味，係一種辣味好持久嘅香料。 但係我食落淨係食到佢係偏甜嘅辣，冇乜特別，但係口感令人喜出望外😙😙😙煙煙韌韌咁 而你話佢嘅辣度係咪極辣🥵就見仁見智🧐🧐 唔知係咪因為我食得好辣，所以我唔係覺得佢特別辣，但係佢嘅辣度係食完慢慢滲出嚟嘅😁😊但係我會認為零食嚟講佢都算係有辣度嘅零食😁😁😁 大家如果想挑戰辣，都可以不妨買返包嚟試一試😛😛😆😆😆過一個熱辣辣嘅聖誕🤣🥵 #我想收聖誕禮物