大圍自製Bagel🥯 靚靚打卡Cafe☕️

🐷📌 #豬西食大圍#豬西食新界 . 小編上個星期就去咗大圍呢一間coffee shop度食早餐 見到佢哋間餐廳裝修都幾靚 同埋幾有格調😍 仲要好似都幾出名咁喎🐷 不過佢哋間舖頭就屈居喺一個屋苑嘅商場下面 未必個個可以經過大圍都見到😢 好可惜😢 因為真係唔錯 尤其是佢哋嘅Bagel 🥯 全部都係佢哋自己整出嚟嘅 仲要係走日式風格🇯🇵  . 🐷紫薯軟芝士大福 抹茶夾心貝果🍵🥯 佢哋用咗宇治小山園抹茶🍵 所以抹茶嘅味道真係好香😍 唔會因為焗咗之後就憑空消失😂（之前小編細個嘅時候試過自己整bagel 用過好多唔同味道撈落去個bagel本身個麵團 但係最後都會冇咗浸味😂😂） 貝果嘅餡料係天然嘅紫薯蓉 份量都真係幾多下😙 中間仲加左🇮🇹意大利軟芝士😍 所以味道更加豐富 同埋口感會更加Creamy 跟住出面包咗一層巨形糯米皮大福 全部都係店員即時搓出黎😍 而唔係買啲現成嘅就咁塞入去🤣🤣 大福夾心仲要凍凍地 加埋熱辣辣嘅bagel 好好食😗😗 . 🐷芋頭乳酪夾心紫薯貝果🥯 呢一個係選用台灣大甲芋頭做夾心嘅bagel 感覺上芋頭嘅味道比起紫薯嘅味道更加香濃 然後芋頭蓉中間仲撈咗啲啲芋頭粒 所以口感都唔錯😍 加上個夾心係撈咗啲乳酪 撈埋一齊都幾夾 一咬嘅時候啲醬就必曬出黎（因為真心多醬）😂 鍾意食芋頭或者飲芋泥鮮奶嘅人可以試吓😍 . 🐷蜜柑鮮忌廉蜜瓜包 呢個包嘅外表幾似一個粉紅色嘅菠蘿包😍原來係用紅麴粉做成 😂但係味道更加豐富 首先出面嗰層真係好似菠蘿包咁樣脆卜卜 😍 但係麵包嘅內部就係軟腍腍 屬於湯種麵包🤓 然後中間有好多粒蜜柑 少少酸甜嘅感覺 更加刺激味蕾🤓 仲有法國鮮忌廉🇫🇷 所以成個包係凍食嘅 好味！ （大家記住準備紙巾😎） . 🐷野飲 嘢飲方面 我哋叫咗 熱Green Tea Latte 同埋凍Cappuccino 🍵😙 咁凍嘅天氣 小編就梗係要返杯熱嘅抹茶鮮奶 味道都真係幾香濃 另一個小編就黐線嘅竟然飲凍嘢（其實係我虧姐）  . 🐷 小山園抹茶奶酥貝果 呢一個bagel係小編買返屋企食嘅 只係需要擺喺微波爐度叮分幾鐘就食得 連焗爐都唔使擺🤣 仲要keep到嗰種質地真係唔錯😄😄 呢一個抹茶味嘅bagel係比起上面介紹嗰個更加濃 雖然都係用到小山園嘅靚抹茶粉🍵 但係因為餡料都係抹茶味嘅 所以相輔相成之下就更加濃郁🐷 呢個抹茶味嘅內涵 仲加咗紐西蘭嘅奶粉🇳🇿 所以除咗抹茶味之外 仲加添咗幾分奶味🍼  除咗抹茶嗰種味之外 其實我覺得就有少少苦苦地 不過真係好少 我會話係嗰種茶嘅味道 然後再加啲回甘嘅味道 🤣 並唔係剩係得甜味😙😙 所以真係好好食 . 🐷德式小麥貝果 呢個bagel都係小編買返屋企之後當早餐食嘅 雖然呢一個貝果係冇餡嘅 但係絕對唔係冇味嘅😂😂 成個bagel採取健康配方 無油、低糖、低鹽😘 仲要係鹼水燙面 所以更加能夠突出貝果本身淡淡嘅鹹香 同埋焦糖麥味 叮熱咗之後就更加能夠感受得到🤓 雖然只係非常純粹嘅味道 但係又唔會因為咁樣而冇乜層次感同埋口感 絕對唔使擔心話「會唔會太dry」🤣 . 🐷天然紫薯貝果🥯 呢個bagel都係冇餡嘅 同上面嘅德式小麥貝果一樣 採取健康配方 無油、低糖、低鹽😍 一樣係以天然紫薯製成 而唔係直接用啲紫薯粉就算🤣 呢個貝果嘅質地 的確如佢哋所講 「相對緊緻軟熟」😂😂 比起上面個bagel食落去更滋味 甜甜地又唔會太過多 紫薯淡淡嘅味唔錯 如果大家唔想早餐食得咁Heavy嘅話可以食呢啲冇餡嘅bagel其實都幾好食㗎😎😎 . 小編會話呢間舖好靚好岩食早餐、lunch、dinnerrr、tea … 咦 咪即係幾時都啱？😂😂 先唔講佢哋裝修都真係幾打卡able 🐷 （小編係外貌協會） 而且佢哋嘅食物都唔錯🤣 佢哋嘅bagel除咗可以堂食之外 仲可以買佢哋急凍嘅攞返屋企食😘 佢哋自設工場喺香港製造🇭🇰 重點係唔使用焗爐或者氣炸鍋🤣 就咁撕開包裝擺入去微波爐就可以等食😗 佢哋個貝果唔係脆卜卜嘅外表 口感相對地比較煙靭😗 大家中意嘅話就快啲去搵黎食下😙😙 . Dear Coffee & Bakery 📍大圍田心街20號雲疊花園商場地下7號舖 . #吃貨日常#香港#茶餐廳#Cafe#麵包#西餐#中餐#日本菜#韓國菜#泰國菜#堂食#好西#食#香港美食 #hkfoodie #foodiehk #大圍 #大圍好去處 #大圍美食  #香港 #韓國菜 #Cafe #日本菜 #泰國菜 #食 #西餐 #大圍 #麵包 #香港美食 #茶餐廳 #堂食 #hkfoodie #中餐 #大圍美食 #好西 #吃貨日常 #foodiehk #大圍好去處 #豬西食新界 #豬西食大圍 (此文章由U Blog 同步發佈至社群)