高級食材🐟極致🍣廚師發辦

尖沙咀呢間幾出名嘅樓上🇯🇵日式廚師發辦餐廳主要選用時令高級🗾日本食材製作出精緻美味嘅菜式，而且職員會為每道😍菜式作講解，服務好貼心。 入面裝修走時尚簡約👍風格，晚市有三款不同價位💰嘅 omakase 套餐可以揀，亦有不同種類嘅🍶日本酒供應，絕對係極致嘅享受！ 先付擺盤好靚🤩，有四款嘢食：蓮藕漬物、百合櫻餅、柑桔漬物同埋🔥火炙帆立貝刺身。最正嘅係帆立貝上面仲配咗漬金針菇同埋🐟三文魚子，令到成個口感同味都好豐富👍！ 刺身一：日本🇯🇵長崎小長井華漣生蠔，佢係一款是令嘅得獎生蠔🦪，中等嘅體形但蠔肉相當豐滿🥰厚身，入口感覺絲般細滑，🤤味道鮮甜而且海水味鹹度適中。 刺身二：🐟真鯛刺身卷海膽，頂部仲加咗魚子醬⚫️，加上少少花穗紫蘇一齊食，🌊海洋嘅鮮味喺口中大爆，而且上枱嘅時候💨煙霧瀰漫，絕對係視覺同味覺嘅雙重享受☺️。 刺身三：時令嘅火炙🔥螢光魷魚刺身比起一般漬製嘅魷魚🦑鮮味更加突出，而且入邊爆曬膏😍超級肥美！ 刺身四：沙甸魚🐟磯邊卷魚味濃郁，中間嘅🥒千本漬可以減低腥味之餘😊又可以平衡魚脂嘅膩感。 刺身五：北海道🦀毛蟹肉拼北海道海膽，🤩用勁香脆嘅高級紫菜包住一齊食，😋層次豐富得來個鮮味極具穿透力！ 御料理：鰆魚🐟櫻花煮，加入咗食用櫻花同埋🌸櫻花麵筋，時令感十足。鰆魚稍為🔥炸過，個皮好香脆，加上木之芽🌿一齊食好鮮味。 佢哋用咗赤醋飯嚟作為🍣壽司飯，而且製作壽司嘅食材都係精心🥰挑選過嘅，有伊佐木、活北寄貝、靜岡縣由漁師逐條釣🎣嘅地金目鯛、富山縣產小白蝦🦐同埋剝皮魚。尤其係個地金目鯛油脂十分豐富，輕輕火炙迫晒啲🐟油分出嚟，味道勁濃郁。另外淡味嘅剝皮魚上面加咗🔥火炙剝皮魚肝，識落層次豐富，絕對係精心嘅👍配搭。 另外仲有🗾大分縣產肉質結實有彈性嘅關池魚🐟、火炙肥美銀鱈魚、鮟鱇魚乾配🍉西瓜奈良漬同埋愛媛原產大拖羅😍。其中鮟鱇魚乾配上有少少🤏甜酸嘅西瓜奈良漬，可以好好平衡返☺️鮟鱇魚乾嘅油膩感，入口令人十分之難忘😆！ 最後一款壽司🤩係用咗成座山咁高秋山水產赤海膽🤤去製作，用香脆嘅高級紫菜包住，加上少少🧂海鹽片同埋金箔，極之矜貴美味😋！ 大蜆清湯🥣，完完全全係蜆嘅清甜鮮味🥰，入面嘅蜆肉肥美又飽好令人😁滿足。 甜品🍮係白酒啫喱配提子拼赤肉蜜瓜，🥂白酒啫喱勁香甜充滿白酒味同香甜嘅😊青提一齊食好甜美，熟透嘅赤肉蜜瓜🍈厚肉綿密，口感好細緻，十分之香甜多汁😍！ 花晨月夕 地址：尖沙咀赫德道2號金麟商業中心2樓 #花晨月夕#kuno_hk #廚師發辦#高級日料#尖沙咀日料#日本料理#尖沙咀日本料理#尖沙咀廚師發辦#omakase#刺身#真鯛#螢光魷魚#沙甸魚磯邊卷#魚子醬#壽司#帆立貝#海膽#毛蟹#鰆魚#伊佐木#活北寄貝#地金目鯛#小白蝦#剝皮魚#關池魚#銀鱈魚#鮟鱇魚乾#大拖羅#赤海膽#赤肉蜜瓜