利舞臺廣場 2024/03/14

🌸傳統釜飯原來咁最好食🌸

💛🧡💙 傳統釜飯原來咁最好食🥢 平時去食日本料理都好少嗌釜飯食🤣,一來好少餐廳會推薦釜飯,二來怕要等好耐🥹不過今次嚟依度嘅主要原因係要try try好評滿滿嘅傳統釜飯🥰 💙日本黑豚腩片沙律💙 $88 先嚟嗰沙律🥗refresh一下味蕾先!依個沙律係店員推介嘅🤣份量滿滿,黑豚腩片成座山咁高🐽啖啖肉好好味!拌入和風醬,食落香滑帶甜味,果然冇介紹錯! 💚三文魚牛油果米紙卷💚 $55 米紙卷外皮煙煙韌韌,入面有營養豐富嘅三文魚、牛油果🥑,口感軟滑又唔膩,作為前菜都幾好! 💛蟹肉芝士天婦卷💛 $68 作為芝士控嘅Hatty,點會錯過芝士系列喎!🧀內餡有青瓜、芝士、蟹肉🦀飯卷以天婦羅方式料理,外脆內軟嘅口感令人上癮! ❤️蒲燒鰻魚釜飯❤️ $148 釜飯整體價錢合理,今次揀咗中價位嘅蒲燒鰻魚釜飯!上菜後會由店員講解食法😛食之前先用沙漏計時⏳,開蓋後香味四溢🤩蒲燒鰻魚啖啖肉,米飯都有調過味😙食到咁上下唔夠味可以再加醬汁😝剩低幾啖飯嘅時候,可以倒入玄米茶湯🍵有啲似泡飯 但口感依然粒粒分明🍚成個過程,就好似慢慢將釜飯嘅靈魂發脾揮到極致🤣 🤎串燒盛盒🤎(8串) $128 有合鴨大蔥串、牛舌、雞軟骨、錦爽雞肉丸🍡、冬菇、甘薯、雞翼、日本青椒🫑,有選擇困難症嘅朋友就一定要嗌🤣Hatty最鍾意錦爽雞肉丸,爽脆嘅口感真係好過癮! 💜火龍果乳酸梳打💜 $38 賣相好靚,由底數上去就係乳酸、火龍果肉、梳打🍹紅肉火龍果甜度足夠,加埋乳酸真係酸酸甜甜好開胃! 💚荔枝薄荷梳打💚 $38 顏色同上邊一樣都係紫色😜應該就係用咗蝶豆花做調色啦,味道方面就比較清新🍃仲有甜甜蜜蜜嘅荔枝香味💕 呢度嘅環境好大,如果靠窗坐仲可以一邊品嚐美食,一邊望住窗外夜景🌃店員嘅服務態度都好好(釜飯嘅食法佢應該日日都重覆無限次😂,但佢依然好有heart教我哋,真係抵讚嘅!) BTW記得save post,方便向店員查詢有關餐點啦! 📍岩鹽日本料理 📍銅鑼灣波斯富街99號利舞臺廣場16樓A舖 #日本菜#壽司#刺身#拉麵#OMAKASE#日本#香港美食#銅鑼灣美食#銅鑼灣日本菜#銅鑼灣好去處#食勻全世界#lifehacks#櫻花樹下#素肌OK

平均消費
HK$300
地址
利舞臺廣場
香港銅鑼灣波斯富街99號
評分
4/5
(*☻-☻*)
(⁎⁍̴̛ᴗ⁍̴̛⁎)
下一篇載入中