荃灣對於我哋港島人嚟講真係美食集中地嘅其中一區，今日約姑婆去荃灣行街，順路發掘下附近有咩好嘢食，見到有間試業中嘅車仔麵店就入去試下先 我阿媽樣樣餸都想食，叫八寶心滿意足就啱晒，一次過食到八款餸：牛筋丸 、柱侯牛腩 、滷水豬皮 、滷水豬紅 、咖喱魷魚、長洲大魚蛋 、秘製蘿蔔 、 時菜 ，麵底揀油麵，豬骨湯底加滷水汁 牛筋丸濃味又多汁，魷魚唔韌易咬，大魚蛋彈牙爽口仲有少少鮮甜味，蘿蔔清甜冇渣而且炆得夠稔吸晒啲湯味 自選車仔麵有三至六款餸可選擇 姑婆就揀左幸福自選3餸車仔麵：豬皮、墨魚頭、咖喱魷魚 ，佢唔食麵就揀左生菜底配豬骨湯底 值得一提呢度湯底係每日用新鮮豬⻣熬製8個鐘而成，味道真係超濃郁但唔會過鹹👍🏻 我哋仲嗌左炸椒鹽燒賣 即炸外脆內軟，椒鹽味唔會好鹹，我都幫襯左幾粒架😋 #車仔麵 #炸燒賣 #車仔麵關注組 #燒賣關注組 #荃灣美食