日本過江龍餐廳｜百年老店 人手即製烏冬

#MC帶你去大圍 人氣日本過江龍烏冬店「山本屋」已經進註大圍「圍方The Wai」！餐廳主打手製烏冬，不少食客慕名而來，開業超過一個月，依然大排長龍。 . ⚡ 黑豚煮烏冬 $98 / 美國安格斯牛肉煮烏冬 $108 一開蓋，好濃嘅醬油鹹香味！而且湯底仲一直滾緊，煮到烏冬都上曬深啡色入曬味，好惹味！手製烏冬只用小麥粉同埋水製作，小麥粉令到味噌湯底濃稠之外，更加令烏冬十分掛汁！烏冬口感煙韌彈牙有咬口，細心一睇，其實每條都大小不一，因為係師傅人手即場切條製作。原煲砂鍋風味，食到尾都仲熱辣辣。不過豚肉或者牛肉每片都唔算好大塊，可以試多一兩款小食、配料。 . ⚡ 日式炸豆腐 +$28 炸到外皮香脆、豆腐軟滑，配埋醬汁，非常開胃。 . 🍚 蟹棒天婦羅（2本）+$38 其實係2條蟹棒切開一半變咗4條。炸粉唔會過多，入口爽口香脆。 . ⚡ 燒地雞手羽（3本）+$48 雞翼即叫即製，上枱時仲熱辣辣，食落皮脆肉嫩有肉汁。 . ⭐整體︰8.5/10 ⭐食物︰9.0/10 ⭐環境︰8.5/10 ⭐價錢︰8.0/10 . ===================================== 📍 山本屋 (大圍) 地址：大圍車公廟路18號圍方5樓527號舖 交通︰港鐵大圍站 C 出口 ===================================== . #MC #Ming_Course #hkfoodie #foodiehk #hkfood #hkfoodblogger #hongkongfoodies #hongkongfoodie #hkfoodlover #hongkongfood #週末好去處 #拍拖好去處 #情侶好去處 #香港小店 #沙田區美食 #大圍美食 #大圍一日遊 #大圍好去處 #香港美食 #吃貨 #相機食先 #本地遊 #香港一日遊 #香港好去處 #香港 #山本屋 #香港 #烏冬 #圍方