【🛺「泰」有特色菜🥥】

想食泰國菜但又想多啲選擇，心大心細唔知食咩好，哩間除咗泰菜仲有西餐，選擇都幾多👍🏻 👑招牌椰子千層蛋糕 $78 成為招牌果然係有原因，千層蛋糕每層皮都夠薄，食落唔會太厚太飽，中間仲夾住粒粒椰子肉，椰味香濃又清甜爽口，配埋軟熟嘅蛋皮層，口感豐富😋 ✨鮮蝦炒金邊粉 $148 金邊粉酸酸地好開胃，蝦肉都大粒爽口，只係份量好似少咗啲🤔 性價比唔高！ ✨新鮮菠蘿雞肉炒飯 $168 炒飯夠乾身粒粒分明，味道不過不失，菠蘿唔酸，配料就唔多，份量算係正常啦。 ✨涼瓜炒蛋 $98 味道都唔錯，涼瓜爽口唔苦澀，炒蛋好香但碎咗啲，份量又係少咗啲，得幾舊涼瓜😅 ✨脆炸芋頭餅 $68 炸得好香脆又唔會太乾，中間芋頭幾厚，味道香濃，份量都ok有5大塊，哩款性價比較高👏🏻 ✨芒果糯米飯 $78 芒果香甜唔酸，糯米飯軟熟又有咬口，再加埋濃郁椰漿味道更豐富🤤 ✨抹茶千層蛋糕 $78 哩個應該係最失望嘅一款食物，抹茶粉好多，正常係唔錯嘅，但茶粉苦澀，加上好多層蛋皮又冇cream，食落成件超級乾，食咗兩啖就放棄咗喇😔 🔍整體感覺：餐廳環境ok，衛生程度都ok，職員服務就一般啦，上菜都頗耐，餐廳唔係好多人，客人唔夠5成，只係叫咗5樣主食，等咗差唔多20分鐘先開始上菜，坐喺度等都等到肚餓😓 食物味道都可以嘅，但份量就差啲喇，性價比真係頗低。暫時只係試過太古哩間分店，其他分店唔知會唔會好啲😂 ─ ─ ─ ─ ─ ─ ─ ─ ─ ─ ─ ─ 美味：👅👅👅 環境：🪑🪑🪑 服務：🤵🏻‍♀️🤵🏻‍♀️ 價錢：💰💰 推介：☀️☀️🌤 #chloefoodiary #hkfood #hkfoodie #foodiegram #hkfoodblogger #foodiehk #hkfoodlover #hkeat #香港美食 #吃貨 #hkrestaurant #hkcafe #hkfoodholic #hkfoodblog #hongkongfood #hongkongfoodie #泰國菜 #菠蘿炒飯 #芒果糯米飯 #crepecake#甜蜜負荷