大埔大元商場 最新免費寵物共享樂園 大埔大元商場最近優化咗2萬呎平台花園作為寵物共享樂園,由即日至7月30日仲會舉辦「Play Eat Tai Yuen Party」主題活動,擺放咗幾個以美食為主題嘅創意裝置,包括3.5米高嘅「甜蜜彩虹冬甩」,旁邊特別加設專為毛孩而設嘅小冬甩,影相又真係幾靚😍 另一亮點就係超過7米闊嘅「香蕉大滑梯」,可以帶狗狗一齊玩😄!仲有其他打卡擺設,包括水果同蔬菜嘅「迷你蔬果莊園」同色彩繽紛嘅「大元甜點車」,全部都係打卡熱點。 香蕉滑梯旁仲提供唔少寵物友善設施,好似自動感應消毒液機、寵物專用的糧食碗裝置等。 而花園旁邊嘅食肆仲係寵物友善餐廳,包括日式料理富山居、西式餐廳歐陸冰室同超人氣嘅刺蝟主題咖啡店Kuri Café,設有半露天茶座,大家可以同狗狗一同用餐喇。 除咗人寵有得玩之餘,平台仲有個兒童遊樂場,都幾啱小朋友玩。 地址:大埔大元商場一樓平台花園 #熱門菜式 #食咗先講

地址
大元商場
香港大埔汀角路10號
評分
4/5
下一篇載入中