尖沙咀素食印度餐廳 菜式賣相竟然咁打卡able？

最近都幾鍾意食印度菜🇮🇳 但又唔想食咁多肉🍖 於是搵咗呢間喺尖沙咀都幾有人氣嘅 印度素食餐廳試試😋 餐廳位於大廈3樓 𨋢口位置有少少隱蔽 本以為樓上餐廳唔會好大間 但上到去視野豁然開朗 餐廳環境明亮寬敞 裝飾佈置色彩繽紛 令人心情都隨之變好😍 一坐底先叫飲品解解喝 🍹Mango lassi （$59） Menu上介紹為 「A delicious creamy drink with mango and yogurt」 的確 飲品質感濃稠 帶鮮甜嘅芒果味🥭 不過冇出現喺文字說明上嘅 就係飲品中還添加了一粒粒的香料 不但增加口感 亦令風味提升 頗為特別 🧉Pistachio milkshake （$65） 開心果味道濃郁 奶味亦香濃 口感順滑 而且加入不少開心果碎 超級好喝😍 仲要夠晒大杯 Menu為全英文 而且有好多唔熟悉嘅詞彙 所以叫店員推介咗幾款菜式畀我哋 出乎意料地都幾啱口味😝 PAPDI CHAAT（$85） 首先上碟嘅係一道清新嘅前菜 用上一架車盛起 超級可愛又打卡able😍 面頭有鷹嘴豆、乳酪同各種香料醬汁 入面仲有薯仔粒同炸得酥脆嘅麵團 食落酸甜又開胃🤤 🍜CHILLI GARLIC NOODLES（$89） 第二道菜係以鑊鏟仔盛起嘅炒麵 賣相有啲似港式炒麵 充滿熟悉感 用上辣椒蒜蓉醬炒起🌶️ 食落唔係好辣 但好惹味 且同樣開胃 份量都唔算少 女仔食完會好飽 PANEER TIKKA (2 TYPES)（$115） 之後上碟嘅係一道仿肉串燒 食落才知原來係醃泡再烤焗過嘅茅屋芝士🧀 質感軟綿綿 食落反而更似豆腐 可點薄荷醬食用 DUM ALOO PUNJABI（$99） 下一道菜係咖哩🥘 以迷你薯仔代替肉類 賣相幾可亂真 喺濃郁嘅奶油番茄肉汁燉煮而成 加$49就可以配埋印度麵餅 Kulcha🫓 呢款麵餅同Naan有少少唔同 質感蓬鬆 口感非常鬆軟 🇮🇳Kailash Parbat 📍尖沙咀寶勒巷3號萬事昌廣場3樓302室 #印度菜#印度美食#印度餐廳#尖沙咀#尖沙咀美食#尖沙咀好去處#搵食#打卡相我攞獎 #食勻全世界