香港首間分店．深圳人氣滷鵝「陳鵬鵬潮汕菜館」進駐沙田新城市

#MC帶你去沙田 . 近年有唔少內地火紅餐廳進軍香港，沙田新城市廣場更係雲集眾多間內地品牌食肆進駐。今次要介紹嘅係主打潮汕菜嘅陳鵬鵬潮汕菜館。 ➖➖➖➖➖➖➖➖➖➖➖➖➖➖➖ ✨ 陳鵬鵬潮汕菜館 . 餐廳主打潮汕菜，更以滷鵝爲特色招牌，而且更曾榮獲法國鵝肝大賽亞洲首獎及連續4年入選大衆點評「必吃榜」。 ➖➖➖➖➖➖➖➖➖➖➖➖➖➖➖ 🥢 生醃甜蝦 . 潮洲必食生醃！生醃甜蝦用上刺身級甜蝦，味道鹹鮮，吊出海鮮嘅鮮甜，再帶點微辣、蒜香，惹味開胃！ ➖➖➖➖➖➖➖➖➖➖➖➖➖➖➖ 🥢 雞汁普寧炸豆乾 . 經典潮州小食！豆乾炸到金黃色，非常吸引！外皮非常酥脆，而且炸得好乾身，食落外酥內嫩！ ➖➖➖➖➖➖➖➖➖➖➖➖➖➖➖ 🥢 金獎潮滷拼盤 . 滷鵝用上以新鮮象草為主食嘅獅頭鵝。拼盤其中包括鵝肉、鵝翼、鵝脖、糖心蛋等，鵝件已經上曬色、入曬味，食落肉質緊緻，肥瘦均勻，滷水淡香，咸淡適中。 ➖➖➖➖➖➖➖➖➖➖➖➖➖➖➖ 🥢 南澳蠔仔烙 . 餐廳跟足地道南澳做法，選用潮汕特產木薯粉，用豬油煎至兩邊金黃，非常香脆。蠔仔十分飽滿，肥美爆汁，蘸埋魚露，味道一流。 ➖➖➖➖➖➖➖➖➖➖➖➖➖➖➖ 🥢 胡椒豬肚煲 . 有別於坊間一般嘅胡椒豬肚湯，依個加咗蕃茄及酸菜，飲落醇厚濃郁嘅質感，胡辣感適中，老少咸宜。豬肚鮮嫩彈牙，加埋酸菜清香爽脆，口感豐富！ ➖➖➖➖➖➖➖➖➖➖➖➖➖➖➖ 🥢 潮汕七樣菜 . 七樣菜係傳統經典潮州菜式，代表七種祝福和運氣。有齊七款當季當造嘅時菜，食落非常清甜。 ➖➖➖➖➖➖➖➖➖➖➖➖➖➖➖ 🥢 老菜脯粥 . 米粒與米水分明，米粒完整有口感，加上甘香帶鹹嘅老菜脯，鮮香濃郁。 ➖➖➖➖➖➖➖➖➖➖➖➖➖➖➖ 🥢 蜜蘭香 . 茶色清澈嘅蜜蘭香，滲出淡雅嘅芝蘭花香氣，口感甘醇滑潤，去油解膩！ ➖➖➖➖➖➖➖➖➖➖➖➖➖➖➖ ⭐整體︰8.5/10 ⭐食物︰8.5/10 ⭐環境︰8.5/10 ⭐價錢︰8.0/10 🟰🟰🟰🟰🟰🟰🟰🟰🟰🟰🟰🟰🟰🟰🟰 📍 陳鵬鵬潮汕菜館 地址：沙田沙田正街18號新城市廣場一期7樓703A號舖 交通︰港鐵沙田站 A1 / A3 出口 🟰🟰🟰🟰🟰🟰🟰🟰🟰🟰🟰🟰🟰🟰🟰 #Ming_Course #週末好去處#拍拖好去處#情侶好去處#香港小店#沙田區美食#沙田美食#沙田一日遊#沙田好去處#香港美食#香港美食打卡#香港美食攻略#香港探店#本地遊#香港一日遊#香港好去處#沙田#新城市廣場#陳鵬鵬潮汕菜館#潮州菜#潮汕菜