新年好去處! 上環另類年宵,一次過滿足晒你嘅願望!

新年就嚟到啦,相信唔少人都趕住去辦年貨,去行花市,行新年年宵。旺角,銅鑼灣等地嘅年宵周圍都迫滿人。如果唔想迫嘅話,上環都係一個新年應節嘅好地方,最近都行咗一轉,依家為大家介紹一下有咩推介地方同活動! 📍摩羅上街(上環古董街) 第一可以去上環嘅摩羅上街附近,行兩邊嘅攤當,古董小店等,尋寶,尋找一啲中國特色嘅小物,心頭好等。🐉 仲可以買一啲傳統生肖小飾物,好似玉吊墜,好多店舖都會寫咗今年龍年相應要戴咩飾物🍀🏵️。喺攤檔度搵自己鍾意嘅嘢,湊下熱鬧行一下咁,同身邊人共渡開心時光都幾開心。行到攰仲可以喺附近cafe飲下咖啡☕️,可以試最人氣嘅半路咖啡,每日都排滿隊。 📍樓梯街 另外樓梯街除咗係長樓梯外,仲有好多有經驗寫書法嘅師傅喺度擺檔,可以搵佢哋寫一張揮春或者寫一對對聯,用嚟貼喺屋企/office 等裝飾下,非常之應節。😊 📍文武廟 最後當然唔少得就係參拜文武廟,攝太歲等。有齊關公,觀音娘娘等神明,無論求讀書,求事業,求愛情等,都可以喺度祈求你所想有嘅心願!以下提供佢嘅開放時間同日子俾你哋。 文武廟、列聖宮 2024年(甲辰)新春開放時間 ~ 9/2/2024 農曆十二月三十日 早上8時至下午6時 晚上11時至 午夜2時 ~ 10/2/2024 - 24/2/2024 正月初一起 至 正月十五日 早上7時至下午6時 新年唔一定要同人迫先熱鬧嘅,去到上環呢個文青地都可以搵到新年應節活動,快啲計劃下去行個大運啦! #新年#好去處#上環#年宵#願望#市集#揮春#拜廟#文武廟#古董街#攝太歲#節日推介#節日優惠#假期推介#旅行美食#打卡美食

地址
摩羅上街
香港太平山摩羅上街
評分
5/5
好介紹😍
如如
下一篇載入中