熟悉嘅招牌，新鮮嘅格局～沙田ChaTraMue Cafe

相信好多人都見過呢個紅色招牌，佢就係有唔少分店嘅泰式茶飲店。而家喺沙田新城市開咗首間cafe，所以就即管去試試～ 泰式冬蔭公炒飯🦐🍚 炒飯睇落份量少，但係食落感覺都OK，不過飯質有少少硬咗啲。啲蝦嘅肉質都爽口嘅，成碟都辣辣地，仲有放咗菇同香草落去炒，所以都幾香，合格✔️ 泰茶忌廉蛋糕🧋🍰 呢款甜品不過不失啦，賣相係幾吸引幾啱影相呃吓like，但係成個蛋糕爭咁啲泰茶味，反而好多cream嘅甜味，唔鍾意食甜嘅朋友可能要睇下其他選擇喇！ 泰國玫瑰花奶茶🌹🧋 試咗呢個玫瑰花茶系列，係排毒瀉茶系列嚟嘅，聲稱飲完會屙有瘦身用途。可能始終係茶飲店，啲飲品就正常發揮，都唔錯嘅～同系列仲有蜂蜜玫瑰花茶同青檸荔枝蜜玫瑰花茶，keep緊fit嘅朋友可以試試！ 可能ChaTraMue始終係主打泰式茶飲，主食菜式嘅造法同質素就未有茶飲做得咁成熟。不過鍾意食泰國菜，或者想食下甜品飲杯茶嘅朋友都可以去試試！ 最後留意！！ 🌟設加一服務費 🌟設人均最低消費 🇹🇭 ChaTraMue Cafe 📍沙田沙田正街18號新城市廣場三期3樓A327號舖 #cakeoftheday#社群時間囊 #社群相聚 #生活足跡 #2023日常 #熱門菜式 #食咗先講 #香港美食 #打卡美食挑戰 #hkfoodie