🏮日式手打烏冬串燒店，食物選擇多🍜🍢

自從去完日本旅行後，依排對日式料理就更情有獨鍾。今次帶老公去食尖沙咀分店嘅【 大門橫丁 】。餐廳係日式裝修🏮，周末晚飯時間見坐滿晒人。食物選擇好多，睇menus睇到我哋樣樣都想試。最後除咗必點手打烏冬🍜，仲試咗唔少串燒🍢，整體味道唔錯，老公話好啱佢口味，會再回訪🤣 🍅特選大門蕃茄濃湯手打烏冬 $89 蕃茄湯底鮮甜濃厚，有叉燒及豬軟骨，好入味。好喜歡烏冬嘅口感🍜，彈牙帶一點嚼勁，整體清新好食。 🖤秘製豬軟骨手打烏冬 (黑蒜油湯) $86 依款湯底好濃郁，散發陣陣黑蒜香氣。豬軟骨煮到好入味，肉質嫩滑，軟骨爽口👍🏻。諗住係拉麵湯底，點知配烏冬都好夾，食唔停口😋 🥓岩鹽燒鹿兒島A5和牛串 $58 肉質結實，有咬口。 🥓岩鹽燒特級牛舌 $49 口感彈牙，牛味濃郁，不錯。 🍢串燒黑蒜牛肉蘆筍卷 $46 外層牛肉嘅油脂香氣，配上蘆筍爽口多汁，味道同層次都豐富。 🍢明太子雞翼（2隻） $54 雞翼釀入好多明太子醬料，食到明太子嘅鮮味。 🦪蒜香燒北海道元貝 $52 元貝鮮味彈牙，加上大量蒜蓉，蒜味濃郁，襯托到個份鮮味。 🥠芝士年糕 (2件) $50 年糕燒到外層香脆，入面有融化嘅芝士。特別在伴碟有煉奶，點上煉奶鹹甜交融，無諗過會咁夾咁好食☺️ 🍢黑椒蜂蜜燒雞翼 $32 雞翼燒到香口，又唔會燒得太乾身。外層有黑椒香氣，加上塗上蜜糖甜甜地🍯，幾好食。 🍲日本清酒煮鮮大蜆 $112 清酒味幾濃🍶，每一啖都食到清酒香味，突出到蜆嘅鮮味。 ——————————————————————————— 📍大門橫丁 地址 : 尖沙咀厚福街9號豪華閣地下 ——————————————————————————— #大門橫丁#手打烏冬#烏冬#豬軟骨#串燒#日式料理#日式餐廳 #日式#尖沙咀#尖沙咀美食 #hkrestaurant#restauranthk#香港餐廳#香港美食#食評#相機食先#吃貨#吃貨日常#美食推薦#美食日記#hkfoodie#hkfoodlover#hklifestyleblogger#hkfoodstagram#食勻全世界#櫻花樹下#OK即刻有