高質佐酒美食，超特別Cocktail

抗疫措施開始放寬，週末當然要同朋友去Chill吓🍻🥂 尖沙咀嘅酒吧選擇咁多，但係多數人多地方嘈吵，如果想同朋友靜靜哋傾吓偈嘆下高質美食，就一定要嚟試吓Hans Bar and Restaurant🥰 呢度裝修係型格工業風，燈光環境幽暗令人心情舒適放鬆。除咗有啤酒，更有調酒師特調嘅Signature cocktail同埋highball🍹 本身我想叫一杯Signature cocktail「Aestivate蜜瓜」，調酒師細心咁解釋由於而家季節蜜瓜唔當造，調酒出嚟味道無咁好，推薦我試吓其他，好細心🥰 🍹Woo Woo $88 我想要甜嘅水果口味，調酒師推薦叫咗呢杯Classic cocktail，係Peach、Cranberry、Lime再加Vodka，果味重，酒味唔濃烈好易入口😋 女士應該比較鐘意～ 🍸Ginger $108 呢杯係Signature highball，有微微嘅薑味同柚子香，加上Rooster Rojo Blanco Tequila，酒味較濃烈。 嘢食選擇雖然唔算多，但係勝在高質有特色，器皿擺盤都好精緻，絕對值得一試👍🏻 蕃薯妹望住Menu，Chilled List幾款都好吸引好想食，決定叫曬佢😂 🍱日式前菜拼盤 $128 ⭐️推薦👍🏻 呢個拼盤有枝豆、燒雞泡魚乾、燒明太子青瓜、酒盗芝士。 明太子配青瓜好fresh，雞泡魚乾燒得好香，特別要一提嘅係酒盗芝士，第一次食「酒盗」，店員介紹原來係用鹽醃海鮮內臟半年至一年嘅鹽漬物，重口味鹹香，將少量酒盗芝士搽上餅乾上面食，好惹味，餸酒一流🤤 唔經唔覺就飲曬成杯酒，唔怪之得稱佢為酒盗🦹🏻 🦐蒜蓉花椒凍蝦仁 $68 ⭐️推薦👍🏻 細細粒但好香蒜蓉麻辣味嘅蝦仁🍤麻辣味只屬bb辣，好香花椒味，蝦仁粒爽脆彈牙，又餸酒必點嘅前菜🤤必食。 🦀松葉蟹肉柚子沙律 $68 ⭐️推薦👍🏻 原個蟹蓋上，一條條嘅松葉蟹腳肉舖喺中華沙律上面，帶有微微嘅柚子醋味，好清新。淨係睇到擺盤都已經賞心悅目🥰 🐮炸牛丸拼鵪鶉蛋 $88 ⭐️推薦👍🏻 好可愛嘅迷你牛丸，同炸鵪鶉蛋嘅size差唔多，估唔倒咁好味，好濃郁牛味，彈牙又保留倒肉汁，加咗少少淮鹽，好好味😋 🧀單骨雞翼拼一口芝士 $78 單骨雞翼方便食，雞翼入味外皮香脆；炸芝士外層炸粉薄脆，芝士流心，口感好好👍🏻 樣樣嘢食都好好餸酒😆 忍唔住再叫多兩杯Suntory Black Beer先滿足🍻😋 Happy Weekend🫶🏻🥰 Hans Bar and Restaurant (尖沙咀) 📍地址：尖沙咀漆咸道南29-31號溫莎大廈地下7-8號舖 #missmeow周圍食 #香港美食 #尖沙咀美食 #多國菜 #西餐 #餐廳酒吧 #barandrestaurant #Fusion菜 #松葉蟹 #酒盗 #酒盗芝士 #happyhour #cocktails #highball #signaturecocktails #signature #mocktails #beer #vodka #foodies #foodiesber #foodieshk #foodblogger #hkfoodieblogger #hkgirl #foodie #foodiehk #foodieblogger #foodbloggers #hkfoodieblogger #hkgirlstyle