【香港地】輪羽一哥陳浩源　點解話媽媽係「神奇媽媽」？

輪椅羽毛球運動員陳浩源早前喺殘奧為香港奪得一面銅牌，當時佢淚謝媽媽同太太，仲話佢有個「神奇媽媽」，同埋佢條命係媽媽執返嚟。佢喺廿二歲時遇上車禍，同車嘅同事命喪，佢就被截去左腳同右腳腳跟後奇蹟生還，媽媽當時決定將佢由內地帶返香港醫治，更加堅持喺返工嘅同時，日送三餐到醫院。今日屈臣氏蒸餾水向三位香港運動員的爸爸媽媽送上「運動員的最強後盾」獎座，其中一位就係呢位「神奇媽媽」喇！