放假去邊好？一於就去荃灣 CHAT六廠參觀夏季展覽「織時大叫！」 呢度大部份展品都可以觸摸、有大型互動藝術裝置，可以行入去嘅巨型皮鞋，邀請你一齊玩、一齊創作✨

- 入到嚟可以先參觀喺南豐紗廠地下特別展出嘅「遊樂場」，展品由藝術家同公眾以日常物件同二手織物打造，非常特別！你可以用氣泵拯救狗仔、向風扇大叫，仲可以喺電視度扮演新聞主播，盡情發揮想像力，地下嘅特別展示到8月9日，唔好錯過呀！

- 上去2樓可以見到3米高嘅巨大化校服，行入少少仲有色彩斑斕嘅七彩校服牆，打卡一流！校服牆前面設有課室枱凳，可以俾參觀者塗鴉，令人回味以前上堂畫枱嘅時光，記得試穿埋特製校服，好似翻去中學嗰陣咁～最驚喜梗係巨型皮鞋，可以行入去影相，親身體驗小人國嘅趣味。

- 行入展廳嚟到充滿童趣嘅幻彩空間，擺個網球落管道就會產生唔同聲響，隔離係一個織線互動空間，以七彩紗線同竹棚，邀請大家以編織進行創作，大人小朋友都玩得一樣開心！

- 記得去埋「種學織文 2026：開放工作室」，以印度雕版印花同天然染料，喺布上面共創圖案✨亦可以用原子印章蓋印仔，設計專屬嘅紙本紋飾！

- 每逢週末同公眾假期1-7PM，記得去埋CHAT客廳玩「手作半個鐘！」輕輕鬆鬆做手作，創作屬於你自己嘅紀念品，低至$40就可以玩到喇！

【織時大叫！】及【種學織文 2026：開放工作室】
日期：即日起至10月25日 (逢星期二休息)
時間：11am - 7pm
地址：2/F, CHAT六廠, 南豐紗廠
了解更多： https://www.mill6chat.org/zh-hant//event/weave-and-shout

【手作半個鐘】
時間：1:00-7:00pm*（週末及公眾假期）
收費：每份HK$40至$200⁠
地點：CHAT六廠

*所有活動皆視乎當日情況而定。如有疑問，請向在場職員查詢。