以為嚟西九龍高鐵站淨係搭車？其實入面食玩買都齊，等小編帶大家行返轉啦～

喺高鐵站B2層抵港大堂，原來仲有個超好行、超好歎嘅地方——➤ 2號茶座 CAFÉ TWO！呢個區域集合咗多間人氣商戶食玩買都齊，啱曬準備搭高鐵前 kill time，或者特登嚟行街打卡都一樣啱～

➤ 任天堂正規商品販賣店
設有試玩區，入到嚟可以先試玩遊戲，玩啱可以直接喺度買埋！仲可以喺度買到人氣新Game，例如Pokémon Pokopia、Mario同Monster Hunter等，商品超齊全！連Switch主機都可以喺度買到～當然仲有好多人氣IP嘅精品，嚟緊亦會推出識講嘢「閒聊花花」勁得意呀~門市仲有Mario Tennis Fever 球拍小卡可以免費攞添啊！唔同門市有唔同款式

➤ 香江冰室
必試招牌黯然銷魂飯，軟腍嘅蜜汁叉燒加上流心蛋汁，正到爆！推薦試埋冰室推介組合，鮮油菠蘿包配港式紅豆冰，滿滿港式風味

➤ 遇見小麵
招牌紅碗豌雜麵，麵條有咬口，掛住豆泥同香辣肉醬，非常惹味！另外可以試下酸菜滷肉飯，鹹香滷肉加上清爽酸菜，食落口感豐富

➤ MTR e-Store
一定要去欣賞下迪士尼綫列車 1:87 四卡動力版模型，細節位極多，超有收藏價值，隔離仲有港鐵 PLARAIL路軌模型～MTR e-Store亦同步推出迪士尼綫米奇列車扶手環系列精品，有毛巾架、行李套裝、手機手環、吊飾等等，另外仲有其他港鐵精品同「港鐵重機」列車機械人盲盒，最後記得要去1:1港鐵場景打卡！

#西九龍高鐵站 #2號茶座 #mtrestore #任天堂 #迪士尼