💛🤎🧡 意外發現🍸抵食餐酒吧 前排喺K11行完街街，就搵下有咩好嘢食🤣夜晚晚，屋企人提議搵chill啲嘅地方食下嘢 飲下嘢🫢一於上網睇吓附近有咩新餐廳夠chill又唔遠先🤣 最後就決定依間Friday Bar & Restaurant🍸Openrice除咗地址，就冇其他資訊😆一於去探險先😛 到埗後先問店員拎餐牌，睇下有咩啱飲啱食再入座😆 🧡酥炸去骨原隻豬手🧡 $198 初頭以為$198一隻豬手唔會好大隻，但原來份量好足夠😂去骨後食得好過癮！雖然係炸過🐷但係冇咩油膩感，沾少少泰式辣汁食🌶清新又開胃！ 💛蒜蓉牛油燒蠔💛 4隻 $68 落單嘅時候冇睇清楚，上菜嘅時候先發現原來係$68/4隻🦪每隻都好飽滿多汁，呢個價錢有四隻都幾抵食🤤 ❤️雞心❤️ 3串 $68 雞心串燒喺酒吧並唔常見，既然依度有得食梗係要試吓🫀烤過後更香更有口感，將雞心沾少少沙嗲汁又有另一番風味🐥 🖤White Russian🖤 $108 依杯係屋企人嗌嘅，其實應該會有鮮奶油on top😆不過咁啱餐廳冇晒鮮奶油，所以就變咗Black Russian啦😛除咗vodka，入面仲有coffee liqueur☕️味道偏苦，不過作為long drink都幾啱💕 🤍Pina Colada🤍 $98 沙冰就啱晒夏天飲，Pina Colada以Rum做base，再加一啲熱帶風情嘅味道😗例如椰子同埋菠蘿汁，清新帶甜🧉適合女生💕 依間新嘅餐酒吧有驚喜😍雖然係位於尖沙咀，仲要喺商場附近🤣但係佢價錢都唔貴，而且仲係食得飽添！其實佢仲有意粉類同埋其他嘅燒烤㗎😏有興趣都可以過嚟試吓！ 埋單嘅時候，店員話佢哋仲有包場及包房服務，可以唱K同埋燒烤🤩睇嚟下次聚會有着落啦😎BTW記得save post，方便向店員查詢有關菜式啦❣️ 📍Friday Bar & Restaurant 📍尖沙咀加拿分道25-31號國際商業信貸銀行大廈14樓 -