氣氛不錯的餐廳

今晚出街食飯，去咗食西餐。餐廳有室內和戶外露天座位，室內環境寧靜，氣氛不錯。 坐低後，店員就送上餐前飲品。 🔸餐前飲品 我唔係好識飲酒，但我覺得呢杯飲品容易入口，有菠蘿、熱情果和伏特加，散發水果香，輕輕的甜帶少少酸味，味道不錯。 叫咗幾個塔帕斯送下酒菜。 🔸海膽拖羅蓉 海膽清甜，拖羅蓉軟滑撻皮香甜脆口。 🔸煙燻鵪鶉髀 煙燻味很香，鵪鶉脾乾中保留油分。 🔸辣肉腸炸薯餅 辣肉腸酸酸辣辣，酸瓜爽脆。 另外叫咗牛扒薯條套餐，可以無限添加薯條。 🔸炭燒美國極佳級西冷牛扒（250克） 牛扒揀咗五成熟，牛扒外表已熟，核心保留少少血色，肉味都幾濃。 🔸薯條 有3款醬汁選擇，平時會點黑松露蛋黃醬和茄汁食薯條。今次我覺得辣味蛋黃醬特別啲，有啲川辣味。薯條粗身，外表酥脆。 食完主菜，都係要嗌返個甜品。 🔸手工製作法式千層蛋糕 蛋糕一層班戟，一層焦糖忌廉，味道都唔會太甜，而且蛋糕夠挺身唔易散。 🔸Rose Fizz 玫瑰花香味勁濃郁，士多啤梨荔枝味道甜甜地，調得好。 🔸Baby Sangria 橙、檸檬、清檸、士多啤梨集於一身，果味較多。 臨走時見到門口有個情人節二人晚餐餐牌，女士俾提示，男士識做啦😏！ #UCreator#打卡美食#想去就去#龍重登場#2024美肌秘密