懶人自轉串燒放題 —— 觀塘串燒屋 🍢

自轉串燒已經喺香港好多年，不過今次第一次試，朋友話依間成日都full booking，所以就決定試下依間😆 店舖唔算太大，大枱最多只可以坐6個人（如果6個人以上嚟嘅話就要分開坐喇😕） ♨️串燒及網燒放題 2.5小時任飲任食 （五位以上3.5小時任食） 觀塘串燒屋除咗自轉串燒之外，仲有得網燒，選擇都算多，海鮮、丸類、牛、豬、羊等等都應有盡有。除此之外，等緊串燒熟嘅時候，仲可以order炸物／熟食，款式其實都唔少！試咗芝士蝦球、炸雞軟骨、清酒煮蜆，味道都唔差！ 除咗QR Code自助落單，雪櫃仲有啲前菜、甜品、飲品可以拎！如果唔想飲汽水嘅話，佢仲有自家製嘅飲品，檸檬薏米水最啱消一消滯🤤 食完如果仲食得落雪糕嘅話，仲有雀巢雪糕任食🤣 總結：如果想唔理價錢咁食串燒嘅話，係一個幾好嘅選擇，不過我會推薦2-4人嚟食，雖然最多可以坐6個人，但坐得有啲唔舒服，同埋冇乜位置擺食物😕 #熱門菜式#著數報料#食咗先講#香港美食#觀塘美食 串燒屋 📍觀塘通明街54號地舖 位置／環境：5 / 10 食物質素：7 / 10 性價比：7 / 10 服務：6.5 / 10 會再去嗎？：MAYBE NOT 🤣