銅鑼灣人氣樓上café

#銅鑼灣地膽今次去銅鑼灣人氣樓上café – Undici，地點喺耀華街百樂中心，餐牌主西餐意粉🍝任食蛋糕等菜式，小店細細，以白系簡約風裝潢，坐位舒適。 🍝 蒜香辣椒蜆肉意大利粉配軟殼蟹 $138 升級套餐 ＋$48 （包括迷你櫻花濃蝦湯，精選甜品及飲品） 大大隻炸到酥脆嘅軟殼蟹；外脆內軟，蟹膏香氣濃郁，蟹肉味道鮮甜，蒜香辣椒蜆肉意大利粉幾火辣，蒜香而不油膩！意粉煮到剛剛好！啱哂我口味！ 🍛 關西牛肉燒配牛肝菌意大利飯 $138 升級套餐 ＋$48 上菜已聞倒陣陣芝士香！牛肝菌醬汁香濃好creamy，配上煙韌有咬勁嘅意大利飯，口感綿密細膩！關西牛肉燒用上薄牛肉煮，燒汁帶點甜balance返個芝士嘅油膩感！肉質軟嫩肉味香濃！ 🥣迷你櫻花濃蝦湯：滿滿蝦香味嘅湯，湯頭濃稠好味道！ 🍮甜品：精選甜品可自選蛋糕，我地都揀左焦糖果仁海綿蛋糕；蛋糕頂層有果仁碎及焦糖醬，cream輕薄啱啱好，海綿蛋糕十分鬆軟夠水份！甜度適中，十分出色！會為左件蛋糕再來！ Undici 地址📍：銅鑼灣耀華街3號百樂中心11樓1101A-B