任飲任食泰式火鍋放題+放題

平時食港式、台式、日式火鍋就多，泰式火鍋真係第一次試，荃灣愉景新城開了一間價錢便宜的泰式火鍋店，名叫泰‧初夏，今次試了set B，90分鐘泰•初夏之雞煲+牛板腱火鍋放題，成人價$238，小童會$148，長者$188。 餐廳座位寬敞，設有落地玻璃，大量卡位，坐得舒服，食物款式多，而且新鮮，有質素保證。 肉類有五款任點任食，精選牛板腱、澳洲250日榖飼牛卡樂Beef，肉質軟腍，牛味濃。另外仲有西班牙栗心豚肉片、酒嫩雞件，肉質入口嫩滑。仲有平時打邊爐好少見的牛胸爽，位於牛心臟旁邊的一塊脂肪膜，呈白色，含豐富骨膠原，又香又爽脆的口感。 湯底可選冬陰功湯、沙嗲湯、椰汁雞湯、泰式清湯或芫荽皮蛋湯。今次我就選了鴛鴦湯底，揀選了椰汁雞湯和冬陰功湯。奶白湯頭混合雞湯和椰奶，微辣之餘亦多一份甜香，泰式冬蔭功酸酸辣辣，特別開胃 雞煲可揀小辣/中辣/大辣/唔辣。雞煲熱氣騰騰，香氣撲鼻，材料有南薑、香茅、檸檬葉、炸蒜及乾蔥。雞件啖啖肉，肉質嫩滑，十分掛汁，非常入味，而且雞煲是任添任食。 另外二維碼小食火鍋配料仲有泰式串燒（豬牛雞）、薄餅、豬頸肉、泰式豬手、炸墨魚丸、炸魚餅、炸貢丸、炸龍蝦丸、炸牛丸、炸墨丸、烏冬、白菜餃、韭菜餃、墨魚滑，蝦滑。大胃王食唔飽仲有金邊粉，加上冬陰功湯底可以自製一碗冬陰功金邊粉。 自助區有大量任食打邊爐配料 蔬菜和丸類： 生菜、冬瓜、粟米、秀珍菇、油麥菜、南瓜、娃娃菜、枝竹、金針菇、魚豆腐、西洋菜、泰式魚蛋、蟹籽包心丸、貢丸、牛肉丸、魷魚、牛佰葉、龍蝦丸、午餐肉、芝士腸、菇菌、響玲、辛辣麵、王子麵。 醬料區有芫茜、蒜蓉碎、指天椒、胡麻醬、豬頸肉醬、豉油、蔥花和打邊爐比較少見的海鮮醬。 冷盤小食 粉絲沙律、泰式鳳爪、木瓜沙律。 炸物 炸春卷、炸薯角、炸雞翼、炸雞卷、炸魚皮。 泰式甜品 椰汁西米糕、千層糕、芝士蛋糕、Turamisu。雪糕櫃就可以自取雪糕雪條。 飲品 自助區有香茅茶，其他即沖飲品要用QR code落單，例如泰式奶茶、榴槤雪香、椰島雪香、龍眼冰、青檸梳打、菠蘿梳打、荔枝梳打、乳酸梳打、水蜜桃梳打、提子梳打、檸檬蘆薈綠茶、荔枝綠茶、水蜜桃綠茶、檸茶檸水等、好立克、阿華田、汽水等，另外仲有盲盒飲品可選。 我就揀了盲盒飲品和泰式奶茶，加入了香料的橘褐色的泰式奶茶口感順滑不澀口，具有茶葉香及煉乳的甜，比港式奶茶甜度更高。 #UCreator#自助餐#火鍋#放題#雞煲#香港美食#九龍美食