抵食午餐

今日行過渣華道街市，見到樓下38蚊一個午餐，仲要加3蚊有凍飲，好奇心之下要上去睇下! 上到去熟食中心，原來宜家有好多間舖頭喎，間間都係30至40蚊有交易，真係難以置信！ 結果我就揀左協成粥品食，貪佢送綠豆沙（好耐冇食過）。 見到隔離枱叫左苦瓜叉燒炒蛋飯，我又試下先，黎到個樣都幾靚，不過叉燒就好細粒，都唔算多，但苦瓜就啖啖都有，都幾好食! 另外又係見人食，我又食嘅炸两，12蚊，仲要係大碟，簡直難以相信，呢個價錢真係好抵！