日式木系簡約餐廳 —— 一汁一菜 令人大失所望？

早前去觀塘嘅時候發現工廠大廈入面嘅餐廳全部都冇開，途經ICHIJUISSAI，俾佢出面嘅裝修吸引咗，於是就入咗去食dinner。店舖好大，主要以日式、木系、簡約為裝修風格。 一汁一菜主要以定食為主，另外仲有咖喱飯同埋丼物可以選擇，除咗主食，仲有甜品食，不過我今次淨係揀咗定食。 【和風定食】｜$119 湯：日本帆立貝大根豆乳濃湯 主菜：自家製野菌醬燒漢堡扒 小菜：明太子醬厚燒玉子 飲品：凍日本綠茶 餐廳嘅裝修令我對佢有少少期望，可惜所有食物都令我好失望......😢 每一道菜式都似係用即食急凍嘅材料包加熱而成，所以全部菜式都只係暖暖地，而唔係熱辣辣，味道方面更係強差人意🥲 總結：依間舖頭喺味道上未必係好出色，而且唔太啱我口味，不過可能佢哋就係用日式速食做噱頭，令人可以唔使等好耐就食到日式食事。如果你係趕時間又想快速地食到日本菜嘅話，一汁一菜可能係你嘅選擇。 #熱門菜式#食咗先講#打卡美食挑戰#香港美食#打卡#美食#打卡美食#觀塘美食#相機食先#生活足跡#食好西#2023日常#秋日美食 一汁一菜 ICHIJUISSAI 📍觀塘開源道64號源成中心地舖 位置／環境：7.5 / 10 食物質素：4 / 10 性價比：4 / 10 服務：6 / 10 ✨Overall：5.4 / 10✨ 會再去嗎？： NO...🙁