滿足你對天婦羅的所有渴望 —— 天丼

啱啱開業嘅時候排晒長龍，過咗個熱潮之後終於有機會去試下。我去嗰陣都尚算早，開始入夜嘅時候就慢慢多返啲人。日式+木系嘅設計，環境都尚算舒適，多人嘅時候都有機會要同人搭枱～ 【華味鳥盛合 +烏冬(冷)】｜$103 + $36｜👍🏻 以前個Menu好似係全部都係set，依家轉咗menu變咗要散嗌。今次嗌依個華味鳥盛合係以雞肉為主，另外仲會有黑虎蝦同埋一啲蔬菜。冷烏冬好值得一讚👍🏻 夠凍夠彈牙，啱晒夏天食！天婦羅整體都唔差，不過每件質素就有啲參差，一啲炸粉薄、一啲炸粉厚。另外第一次食四季豆嘅天婦羅，都幾得意。 【豆腐雪糕】｜$25｜👍🏻 本身以為係得細細舊嘅雪糕，點知一上碟見到都幾大舊，仲有紅豆同埋甜薯天婦羅做配料，幾好食👍🏻 總結：今次試咗主食同埋甜品都覺得唔錯，但轉咗menu之後價錢可能就有少少偏貴。不過佢都有好多特別嘅天婦羅，平時未必好常見，例如有穴子、帆立貝、廣島蠔等等。如果你想試一啲特別嘅天婦羅都可以去天丼試下！ #熱門菜式#食咗先講#打卡美食挑戰#香港美食#打卡#美食#打卡美食#紅磡美食#相機食先#日本料理 天丼 📍 紅磡必嘉街120號黃埔天地百寶坊第3期地下G13號舖 位置／環境：7.5 / 10 食物質素：8 / 10 性價比：7.5 / 10 服務： 8 / 10 會再去嗎？： MAYBE