🇯🇵大阪京都遊🎏Day 3行程分享🚗京都自駕遊🏡入住超靚町屋

❥🏠Check-out ⇒ 🚗TOYOTA Rent a car ⇒ 🍴午餐-蟹道樂🦀京都伏見店 ⇒ 🏠町屋民宿Check-in ⇒ 🍴いづ重（Izuju Sushi）買外賣做宵夜🍱 ⇒ 🍴晚餐-十二段家 花見小路店⇒ 八阪神社 ⇒ 京都車站：大階梯點燈秀、天空步道Skyway 🚗我哋第一次去日本租車自駕遊😍想去京都同埋更偏遠嘅地方，研究後決定要試吓租車自駕方便呢幾日放埋行李🧳 ✰🚗研究咗好耐怕旅程途中有咩意外，揀咗信譽比較好嘅〖TOYOTA Rent a car〗🤩價錢雖然貴少少🤏🏻 TOYOTA官網有得揀中文，但係想平啲一定要上佢哋日文網站，入會有新會員折扣🤩唔識睇日文用chrome開網站可以自動翻譯😎 以我今次為例係有20% Off‼️揀咗中文就冇折扣㗎啦！ 預約嗰陣有兩款保險俾你揀，記得要揀買最貴嗰種，保險真係唔慳得🙈Day 4會分享。 ✰🦀自駕遊去京都又想食〖蟹道樂〗嘅話，可以揀伏見店，有免費停車場，餐廳比較大，走傳統日式庭園風格，而且比較易book倒（一樣都要網上訂位先去啊😌） 食午餐價錢比晚餐平好多好多！ 不過真心講，記憶中去名古屋食嘅蟹本家好食好多🙈🙈🙈未試過嘅可以試，如果已經試過嘅我覺得留返個肚試其他餐廳更好🙈 ✰🏡Book咗間京都町屋民宿〖ゲストハウス東山〗🤩一直好想試吓住呢啲古屋😂 book嘅時候我形容為「book咗日本嫲嫲間屋」🤣 兩層嘅古屋裝修超復古～ 二樓有兩間房，可以住倒5個人！地下大廳有被爐，我哋當日0度非常有用🤣 仲有乾濕分離嘅浴室，有一個好深嘅浴缸，玩完一日一定要返去浸浴！ 意外地全部嘢都好乾淨打理得好好😎 極度推薦！ ✰🥰好開心試倒兩間京都人氣餐廳： 🍱 @izuju.gion 〖いづ重〗排隊買外賣夜晚做宵夜，非常值得試👍🏻 箱押壽司好靚，壽司飯醋味比較重～ 用料好豐富；鯖姿壽司非常大條魚捲咗入去，好肥美有啲漏🫨外層用海帶代替紫菜好特別，買細size都覺得好大份！ 🐮另一間係花見小路嘅〖十二段家〗，又係冇得預約嘅排隊小店，好好彩18:30pm去到寫名排隊好快有得食😍 我哋填完名之後好快就截咗龍😎 出名食和牛壽喜燒/瓦燒和牛/鰻魚飯等等～ 本店同花見小路店只係一個轉角位嘅距離，但係兩Menu唔同，本店比較貴，而花見小路店就有平價定食。 ✰🚉入夜後可以去〖京都車站〗嘅「大階梯點燈秀」同埋「天空步道」影吓相打吓卡，仲可以好清楚睇到京都塔🗼😍 🤭有心情有時間嘅話之後就另外post下值得去嘅地方/餐廳介紹。 ♡Follow Me on Instagram : @lovelykawaii_missmeow https://instagram.com/lovelykawaii_missmeow #蕃薯妹周圍遊#大阪京都遊#關西 #Kyoto#京都美食#美食#京都#京都好去處#大阪旅行#京都旅遊#京都車站#蟹道樂#十二段家#toyota#自駕遊#日本自駕遊#町屋#sukiyaki #Japan#Osakatravel#日本旅行#日本#travel#kkday旅#kkdayhk#ufoodvideo#travelphotography#travelblogger#日本好去處#日本之旅#旅行打卡#旅遊行程#社群歎世界#食勻全世界#櫻花樹下#ok即刻有#香氣四溢