原來「KiKi麵」都進駐左西九M+

🌟餐廳：KiKi麵 📍地址：尖沙咀西九文化區博物館道38號M+ B1層 💰價位：～$50 - $100 趁今日天朗氣清，係時候約埋朋友仔去西九文化區逛一逛，做返日文青先😆食飯時間周圍行吓，發現原來「KiKi麵」都進駐左西九M+！時不宜遲一於試下先！ ——————————————————— 🔹 KiKi雞翼 - 呢度提供多款自家制台式小食，岩哂我地 我地試左呢款KiKi雞翼，餐廳仲會幫我地即場加熱，好貼心 雞翼大大隻而且滷水滷得好入味，啖啖肉好juicy ——————————————————— 🔹 胡麻棒棒雞拌小醋麵 - 我地揀咗款冷盤試，呢款胡麻棒棒雞拌小醋麵消暑一流！ 小醋麵加入胡麻醬及醋汁，食落酸酸甜甜，開胃又惹味～ 主角既手撕雞啖啖肉，加入蔥酥，層次感豐富，食得好滿足！ ——————————————————— 🔹 KiKi秘製鵝油拌麵 - 餐廳主打既人氣麵食，濃濃既台灣風，大推！！ 我地揀左呢款「鵝乜都有」，材料包羅萬有，有齊牛筋、豬耳、鴨血、貢丸、雞翼、甜不辣、百頁豆腐、蘿蔔、時蔬及花枝丸，份量十足超豐富，我地2個女仔食，夠哂滿足~ 麵底用上KiKi自家出品既乾拌麵，既彈牙又煙韌，加埋油香四溢既鵝油，食落寧舍滑順，大滿足！配料仲加入蔥花、芫茜、秘製辣椒醬、蒜蓉及酸菜，古早味濃厚，店員仲會因應食客要求調教辣度，貼心又抵讚~ ——————————————————— 🔹冷泡KiKi烤茶 - 除左麵食同小食，KiKi茶亦係品牌既皇牌之一~呢度提供超多款KiKi茶系列飲品，各有特色~ 我就揀左呢款冷泡KiKi烤茶，入口甘香濃厚，具備炭燒香氣，夠哂解渴~ ——————————————————— 😋味道：4/5 🏢環境：4/5 💁🏻‍♀️服務：4/5 💵價錢：4/5 🤟🏻性價比：4/5 ——————————————————— 👅整體小總結 餐廳除左提供一系列KiKi系列食物，小食及茶飲外，更擺放多款KiKi食品雜貨店既product，黎呢度有得食又有得shopping，好正~ 食物方面，選擇種類夠哂多元化，充滿濃濃台灣風味，無論堂食或外賣一定滿足到大家，大推！！