鴨油蠔油薑蔥撈粗

鴨油係來自我家姐早幾日烤嘅全鴨，鴨皮同鴨肉固然係香（係噃，一陣都要post返鴨肉點食嘅相）其實啲油至係精華，要來焗或煎薯仔，撈吓麵，唔好浪費。今晚就食咗撈麵，撈麵我用咗粗麵，撈嘅有粗麵就用粗麵啦，好食過幼麵咖。蠔油落咗少少，叫做俾些少鹹味個麵啦，唔想搶去鴨油嘅香味。薑同蔥好平同好新鮮，我切咗大量加落去。結果係成碟麵好香。 即使冇餸都唔會覺得寡。