予約不能的長🐉店

相信左海港城coupon嘅10個有11個都一定會放喺bucket list 不過餐廳行先到先得制 仲要冇得打電話預約 6:00正式派籌今次4:30就到咗終於可以食第一輪🙂 ❣️無錫灌湯小籠包(6隻) $98 皮薄湯多 真係一唔小心個皮就會痴住張紙🫠輕咬一啖散散熱先食飲到啲湯 清清地甜甜地 中間舊肉都鮮味唔爛身 ❣️土鴨蛋脆煎蚵仔 $138 蚵仔🦪啫係生蠔又啫係蠔仔餅 強調用土雞蛋但呢點就唔係好識分 好似大概都差不多🫣一份10件都幾抵食 外層非常酥脆 內層蠔肉混合芫荽 香蔥調味 加埋魚露夠曬惹味 ❣️揚州小蔥蝦仁炒飯 $138 以傳統揚州炒飯配料炒香 清楚見到取代大蝦仁嘅小蝦米 賣相相當吸引 炒飯未至於極金黃 但依然做到粒粒分明🤩 ❣️烤北京填鴨(半隻) $198 全部即叫即切 簡單配搭青瓜京蔥 鴨皮超薄切就算食得多都唔覺漏 適當保留油脂部分 用餅皮包裹配料再塗抹上填鴨醬 一咬油香係口腔內徘徊 超級滿足🥰 - 🫧城中鴨子 尖沙咀廣東道3-27號海港城港威商場3樓3319號舖