本店就去過幾次,分店都係第一次嚟。 要咗麻辣雞翼,煎餃就小籠包豬肉餃拼菠菜豬肉餃,灼餃洋蔥豬肉餃拼芹菜豬肉餃,今日嘅湯係雜菌湯,原來本店就長期用粉葛魚湯而分店個湯久唔久會轉。有趣。 呢度除咗餃子好得之外,巴斯克蛋糕都係名物嚟,但今日冇蛋糕,店員話可能下個禮拜會有返,希望下次嚟可以食到啦。