CP值高Semi-Buffet Lunch❣️

假日同家人去左The Grill Room食Semi-Buffet Lunch! 餐廳環境舒適，裝修得有格調，半自助餐價錢抵食而且食物質素高，值得推薦～價錢每位$98 已包括沙律、甜品、小食、餐湯同飲品！想要主菜可以另外加錢，價錢由$38 – 208，即最平只需要$136 就可以食到啦！ 自助區既沙律吧每日款式都會不同，今日就有南瓜沙律、紅菜頭沙律、意粉沙律、凱撒沙律等；炸物有蕃薯條同炸雞；甜品有豆腐慕絲蛋糕＆朱古力蛋糕等！是日西湯是番茄濃湯，酸酸地咁好開胃 ❣️香煎法式雞卷配西蘭花苗及薯蓉 $68 賣相精緻，雞卷切成四件，肉質軟嫩，伴碟既西蘭花苗同薯蓉點上醬汁食，味道不錯！食晒都幾飽肚 ❣️烤紐西蘭10安士肉眼扒配薯條 黎呢度一定要點扒食，肉眼扒燒得好靚帶坑紋，生熟度控制得宜，充滿住炭香同牛肉香氣，肉質鮮嫩多汁。伴碟還有好大份薯條，新鮮炸起非常香脆，粗身薯條口感十足，好滿足！ 🍴The Grill Room 📍銅鑼灣駱克道463-483號銅鑼灣廣場二期3樓3B號舖 #年輕肌gotcha#想飛賞飛#社群有辦髮