港式風味中菜

鋿晶館位於上水匯商場入面，座位寬敞舒適，餐牌有好多款式嘅食物，小炒、焗飯、蒸飯、粉麵等等都有齊，充滿港式風味，而且係自家製品牌！師傅曾經係多間米芝蓮酒店同連鎖酒樓集團做主管，有豐富下廚經驗 🥢啫啫通菜煲 小炒夠鑊氣，加入肉絲去炒，好有風味，味道偏濃郁，撈飯食剛剛好 🥢椒鹽豬扒 份量比想像中多，豬扒都好大塊，豬扒肉質鬆軟，入口微辣，整體好惹味 🥢鮮茄嫰滑雞扒焗飯 焗飯充滿着港式風味，而且好大兜，賣相好吸引，面頭有半溶芝士加上滿滿蕃茄醬汁，非常滋味，雞扒夠厚有口感，肉質嫩滑 🥢吞拿魚沙律牛角酥 另外仲叫多個牛角酥，都好足料下，滿滿吞拿魚沙律，仲有夾住蕃茄、青瓜同沙律菜，口感豐富 🥢青梨烏龍茶、椰汁紅豆冰 甜品估唔到咁有驚喜，大大粒熊仔冰同玫瑰花造型嘅紅豆冰，望見都開心 🍴鋿晶館 📍上水龍琛路48號上水匯2樓204A & 205AB號舖 #春日賞櫻#年輕肌gotcha#想飛賞飛