係灣仔都歎到正宗越南菜🤟🏻🤟🏻

係灣仔都歎到正宗越南菜⁉️呢間軒尼詩冰廳✨就係一個唔錯既選擇,有齊撈檬、河粉及碟頭飯,菜式即叫即製,鑊氣十足,由年輕人主理,絕對係值得支持既港式冰室👍🏻 招牌火車頭 食越南菜點少得呢款招牌火車頭!超足料啖啖肉,有齊牛腩、生牛肉、牛丸、牛展等,口感豐富之餘湯底又清甜,食完唔會口渴~特別鍾意河粉夠滑夠彈牙,生熟牛肉牛味濃,仲好鮮嫩添!牛丸、牛展好有咬口,超高質! 什錦炒粉絲 粉絲炒得好有鑊氣,Q彈滑口有韌勁,吸滿濃香醬汁味特別惹味~多款雜菜增加鮮甜味! 牛油雞翼 即叫即炸熱辣辣上枱,滿滿蒜蓉、牛油香,外層炸至酥脆,雞翼肉質嫩滑入味,口感特好~ 鹽燒牛肉沙律 牛肉結實多汁,愈嚼愈香,沙律菜份量十足,大大碟好吸引! 扎肉法包 法包烘得外脆內軟,蔬菜配料爽脆鮮美、扎肉調味好香口,餡料多到滿瀉,大滿足~ 軒尼詩冰廳✨ 📍灣仔駱克道139號地舖 #泰菜#UCreator#打卡美食#美食推介#Foodie

地址
灣仔
香港灣仔
評分
5/5
下一篇載入中