今次 Café Renaissance 推出「德州燒烤美饌自助晚餐」 每位客人會獲得一張「龍蝦劵」，憑劵可以換取蒸龍蝦一隻。 近門口處的 Seafood Station，首選當然是「美國生蠔」。體形較以往的細小，蠔味與質感都有長足的進步。 先介紹主打菜色 首選我會係「Smoke Beef Brisket」，未切之前賣相澎湃，中間位置呈嫣紅色，滲出些少血絲，肉味濃郁而有嚼口，煙燻味重，真係有必要配返杯 Kendall Jackson Vintner's Reserve Zinfandel 2014（$100/杯，$500/瓶）。 Double Smoke Bacon 切下長長一條，同樣的有嚼口，煙燻味亦濃烈，與肉香好夾。 Smoke Pork Rib 好味既，真係要講三次，原條長Pork Rib，不但滿有煙燻味，更加有油香，又是美酒的良伴。 Hot Smoked Salmon 原條去骨煙燻，粉紅色魚肉依然嫩滑可口，超正。 Roasted Smoked Chicken 雞肉烤得啱啱好，而且帶少許焦香。 手撕豬臀肉漢堡 迷你版，大家不用怕會佔太多胃納。 又到另一主角出場。 Seafood Station 都好豐富。 蟹都有麵包蟹同北黃道蟹兩款，蟹膏仲多到爆。 而翡翠螺又真係超大隻厚肉。 當然仲有藍貝、海蝦同沙白。 刺身 有帶子、仿鮑魚、八爪魚、吞拿魚、三文魚同章紅魚，肉質盡保留最佳狀態。 湯 蟲草花雞肉燉豬腱 自己不會花柴火整燉湯，所以一見有供應，前後乾了兩三盅！ 湯色清澈，味道濃郁，材料的精華都跑到湯裡，正。 熱葷 菜色是貴精不貴多，個人幾鍾意「翠玉瓜炒墨魚片」，材料新鮮，墨魚片柔韌有彈性。 Cold Cut 有薄切沙樂美腸、薄切火腿、風乾牛肉。 Salad 想健康少少，我選擇羽衣甘藍沙律。 芝士 有Emmental Cheese、Gorgonzola 及 Brie Cheese。 甜品 即焗心太軟，加一球雪糕。 Häagen·Dazs 有草莓忌廉、曲奇忌廉、雲呢拿及咖啡四款口味。 甜品區 小巧的有瑪德蓮、馬卡龍、朱古力筒、Tiramisu等等。 整個上的，有班蘭戚風蛋糕、芝士蛋糕、紅莓雲呢拿慕絲蛋糕等等。 始終喜歡帶酒香而質地輕盈的 Tiramisu；甜香味美又滑溜的栗子蛋糕與及甜酸度平衡的雲呢拿紅莓奶凍。 地址 : 灣仔港灣道1號香港萬麗海景酒店閣樓 味道 : 4 環境 : 4 服務 : 5 衛生 : 5 抵食 : 4 位置 : 4